terça-feira, 3 de junho de 2014

Kazu Mauk Moruk Involve Ema Barak, MP Presiza Tinan Ida

,

Jornal Nacional Diário - Tuesday, June 03, 2014 

Ministeriu Publiku (MP) presiza tempu tinan ida atu estuda prosesu no akuzasaun ba Komandante Konselho Revolusaun Maubere (KRM), Paulino Gama “Mauk Moruk”.

Xefi Prokurador Distrital Dili, Angelina Saldanha hatete katak, prosesu akuzasaun presiza tinan ida, tanba kazu ne’e sei iha testamunha barak no ema barak mak involve mos iha kazu ne’e.

Angelina hatutan, kazu ne’e la bele dehan fulan 6 hotu ona, maibe presiza tan tempu tanba Prokurador presiza rona tan ema ou sasin barak.

“Ida ne’e talves tinan ida, depende ba investigasaun ne’ebe ami halo, tanba ida ne’e testamunha no arguido barak, tan ne’e mak ami presiza dokumentus balun. Talves ida ne’e mak lori tempu,” esklarese Prokuradora Angelina Saldanha, hodi responde jornalista sira iha nia servisu fatin, Segunda (2/6).

Prokuradora Angelina lakoi fo komentariu klean kona ba prosesu ne’e, tanba oras ne’e eis Komandante Brigada Vermelha iha hela prizaun preventive hodi hein julgamentu.

Husi sorin seluk, Administrador Tribunal Distritu Dili (TDD), Duarte Tilman informa katak, prosesu ne’e sei iha hela MP no presiza investigasaun klean no presiza mos provas.

“Fulan nen 6 ami tenke halo revizaun ida ne’e laos tenki fulan nen kuandu investigasaun kompletu ona akuzasaun bele mai ona. Kuandu investigasaun kompletu ona sira mos bele halo prova sira mos bele halo despaisu dehan arkiva ka libertasaun arguido ka haruka ba tribunal atu halo libertasaun,” esplika Duarte Tilman.

Nia hatutan, kazu ne’e depende ba investigasaun husi Prokurador mak sei determina sira atu halo akuzasaun ou arkivamentu. Se laiha prova, sira arkiva, se iha prova halo akuzasaun.

“Mai tribunal mak dehan prova duni ka lae, mesmu sira dehan iha prova. Mais mai tribunal iha audensia julgamentu mak haree ida ne’e prova ka laiha. Ida ne’e keta imajina deit karik, ida ne’e keta dun matak deit ema karik. Entaun tribunal la konkorda rekursu nia prazu mak ne’e,” afirma Duarte Tilman.

Liu husi audensia primeira interogatoriu iha Tribunal Distrital Dili (TDD), loron 15 fulan Marsu, foin lalais ne’e, Juis Singular Jose Maria de Araujo, aplika medida kuasaun prizaun preventiva ba Mauk Moruk ho komandante Labarik Maia (LM). Oras ne’e, Mauk Moruk ho Labarik Maia kump[ri hela prizaun preventive iha Prizaun Becora, Dili. Lia
,

Sem comentários:

Publicar um comentário

Nota: só um membro deste blogue pode publicar um comentário.