segunda-feira, 2 de junho de 2014

Lucia Lobato Presiza Dezisaun Urjenti

.
ALIANÇA MOS PRESIZA DESIZAUN URGENTI

Kuaze semana hirak ona prizoneira, Lucia Lobato halo tratamentu saude iha Hospital Nacional Guido Valadares Dili. Moras nebe Lucia iha seriu oituan tan nee HNGV tenki estabelese ekipa mediku hodi halo atende ba moras Lucia Lobato.

Moras nebe Lucia Lobato iha nee presisa halo operasaun, tantu iha rai laran no mos bele lori ba opera iha rai liur depende fasilidade no ekipamentu no mos mediku hodi halo operasaun.

Atu halo trasferensia ba liur, HNGV presiza dezisaun Tribunal nian tamba Lucia Lobato ninia estatuta prizoneira nebe tenki aturozasaun tribunal nian.

“Problema atu haruka pasiente Lúcia Lobato ne’e ba iha rai liur, maibe nia sei iha ligasaun ho nia estatutu nudar prizoneira, ne’e dilema ida. Entaun se mak fo desizaun, so tribunal mak bele foti desizaun katak pasiente ne’e bele ba ou lae,” informa Dr. Aniceto iha nia servisu fatin HNGV Bidau.

Kondisaun Lucia Lobato bele dehan loron ba loron tun ba bebeik tan nee Conselho Administrasaun Hospital Nasional Guido Valadares husu ba ekipa junta mediku pasiente Lúcia Maria Bradão Lobato atu hato’o ona konklujaun ikus, nune’e bele deside ona halo operasaun iha rai laran ka rai liur.

Ekipa junta mediku kompostu husi mediku estranjeiru na’in rua no mediku Timoroan serujian na’in ida mak durante ne’e halo hela junta mediku ba pasiente Lúcia Lobato. Haree ba kondisaun pasiente nian ne’ebe loron ba loron tun, tan nee parte Conselho Administrasaun HNGV husu atu semana oin ekipa junta mediku sira ne’e atu hatama ona konklujaun nune’e bele halo ona operasaun ba pasiente, tanba kleur demais ona.

“Hakarak ka lakohi seman oin ekipa juntamediku tenki hato’o ona konklujaun ikus ba Conselho HNGV no MS atu nune’e bele hatene los opera iha ne’e ka rai liur. Tanba intervensaun mediku labele fo presaun ba pasiente, mas tenki iha konkordansia ba malu”, hatete Dr. Aniceto Barreto ba Jornalista sira iha nia kna’ar fatin Bidau, Sesta (30/5).

Doutor Aniceto hatutan, bazeia ba informasaun preliminario husi mediku espesialista Australiano , India no Cuba inklui mediku Timoroan katak, pasiente Lúcia Lobato hetan kafuak (benjolan red) iha parte mamãe ne’ebe tenki opera.

Kona ba moras ne’ebe Lucia Lobato infrenta ne’e bele halo operasaun iha rai laran, maibe paseinte hakarak halo operasaun iha liur.

Mediku ne’ebe forma husi HNGV iha semana kotuk kompostu husi Australiano, Cubano no Timoroan hodi halo intervensaun ba moras Lúcia Lobato dehan, operasaun bele halo iha Timor maibe konforme pasiente atu hili dalan halo tratamentu iha ne’e ou iha rai liur, tanba kada pasiente iha direitu atu hili fatin tratamentu.

Tantu mediku sira laiha direitu atu obriga pasiente, maibe durante ne’e pasiente ne’ebe hetan moras hanesan eis Ministra Justisa (MJ) Lúcia Lobato ne’e opera deit iha ne’e la persiza ba rai liur.

“Pasiente iha direitu atu hili fatin tratamentu tanba ne’e preparasaun relativu ne’ebe tenki konsidera no respeita mos parte hot-hotu atu bele halo intervensaun nune’e labele hamosu fali problema kuandu halo intervensaun,” Dr. Aniceto esplika.

Nia haklean, HNGV prontu kualker tempu atu halo intervensaun ba pasiente, maibe konforme pasiente hodi halo tratamentu iha ne’ebe deit, ne’e sira nia direitu.

Prizioneira Lúcia Lobato ne’ebé tahan hela nia moras iha sala Very Important Person (VIP) numeru 10 ho esperansa tirbunal bele fo lampu verde ba nia hodi halo tratamentu intensiva iha rai liur, hodi kura nia moras ne’ebé nia hetan durante ne’e. Ina

POR FAVOR, AJUDE ALIANÇA! Ela sofre de leucemia aguda

Nota: Aliança mos presiza desizaun urgenti ida. Se governu bele haruka Lúcia Lobato ba hetan tratamentu iha rai liur, Aliança mos iha direitu tanba nia labarik inosenti ida, no se nia la hetan tratamentu iha fulan ida nia laran, labarik feto inosenti ida ne'e ba mate.
.

Sem comentários:

Publicar um comentário

Nota: só um membro deste blogue pode publicar um comentário.