segunda-feira, 9 de junho de 2014

"Membru Polisia Halo Abuzu Sexual Ba Labarik Feto Ida"

.

Notisia Husi TVTL 

Polisia Investigasaun rejista kazu violasaun sexual ne'ebe envolve membru PNTL Distritu Ainaro ida ba Ministeriu Publiku (MP). 

Kazu ne'ebe akontese iha sabadu foin lalais ne'e envolve membru PNTL ho inisial MS halo hasoru vitima inisial ML tinan 19 ne'ebe sofre moras Epilepisia ka Bibi-maten. 

Komandante Polisia Distritu Ainaro Superitendente Orlando Gomes ba RTL Via telefone Kinta-feira ne'e hateten, kazu ne'e akontese ba dala rua ona ba vitima ne'ebe hanesan, ba dala uluk akontese fulan Novembru tinan 2013 no bad ala rua akontese iha loron 1 fulan Junu ne'e, iha Distritu Ainaro. 

"Iha momentu ne'e vitima ninia kontaktu kedas polisia investigasaun depois mai foti kedas labarik ne'e ba halo tratamentu Ainaro hodi hasai Viksu Vitima ninian e depois kazu ne'e agora prosesu hela iha Ministeriu Publiku, momentu ne'e medidas ne'ebe mak komandu foti hodi hasoru membru Polisia ne'e mak, ami dezarma tiha ninia armas, nia mos lori kargu ida hanesan xefe Task Force nian maibe ami hatuun tiha ona husi nia kargu, ami loke mos prosesu displinar ba refere hodi tuir prosesu legal, bazeia ba keixa ne'ebe mak vitima," dehan Komandante Polisia. 

Entertantu Mafalda Gomes de Araujo nuudar vitima nia inan husu ba parte Polisia atu prosesa kazu ne'e tuir lei. 

 "Iha dia 31 de Maiu hau nia oan lao sai ho kondisaun moras, ema Ainaro laran tomak ne'e hatene kona ba nia moras, ami nu'udar inan no amana ami buka haleu Ainaro la hetan depois nia aman ho motor hasoru nia no lori mai, nia to'o iha uma ne'e iis boot nia hato'o bah au nune'e, ama hau agora Polisia tula hau lori ba estraga tiha ona, entaun komu labarik sira barak hau dada nia lori tama tiha kuartu laran hafoin nia suru hetu han, hafoin nia konta mai hau dehan katak, ama hau ohin Polisia lori hau tula iha kareta hau hanoin nia atu tula hau lori mai uma, afinal nia tula hau lori ba estraga tiha hau, antes nia atu tula hau nia tula tiu ida ho nia oan iha kotuk, hafoin nia para kareta polisia nia oin nia tula hau, hau hanoin nia atu lori hau ba uma, entaun nia lori uluk tiu ho nia oan nee ba hatuun depois nia muda fali hau ba tuur iha oin, hafoin lao tuir dalan nia komesa book hau tun sa'e, depois hau sei hata'an ba nia hanesan ne'e, tiu nusa mak it abele hanoin hanesan nbe'e bah au?, entaun Polisia ne'e hatan ba nia, hau hadomi o, tiu ho subrina ne'e hola malu diak hela, nia komesa lamas hau nia oan nia hirus matan," dehan Vitima nia inan.

Entertantu kazu ne'e entrega ona ba Ministeriu Publiku hodi submete ba prosesu investigasaun. 
.

Sem comentários:

Publicar um comentário

Nota: só um membro deste blogue pode publicar um comentário.