quinta-feira, 5 de junho de 2014

"Ministru Lugu Konsidera Kritika Alkatiri Sasukat Hadia Kualidade Sevisu"

.

Jornal Independente - Kinta-Feira, 05 Junu 2014 

Ministru Negosiu Estranjeiru no Kooperasaun (MNEK) Jose Luis Guterres (Lugu) konsidera kritika publiku liuliu kritika direita husi eis Primeiru Ministru Mari Alkatiri ba nia nu'udar sasukat ida hodi hadia tan kualidade servisu. 

Eis PM Mari Alkatiri kritika katak, Ministeriu Negosiu Estranjeiru no kooprasaun hanesan agora daudauk ne'e la serve, tenke iha dinamika foun. Sekretariu Jeral FRETILIN ne'e mos suejre ba Primeiru Ministru (PM) Xanana Gusmao atu troka lider MNEK no Ministru balun ne'ebe halo viazen ba estranjeiru la para, laiha kooperasaun servisu diak no rezultadu serbisu ne'ebe nunka hatudu sinal pozitivu. 

Nune'e, hanesan ema diplomata ida, Ministru LUGU ho kalma no ulun malirin espresa nia hanoin katak, lakohi atu fo komentariu kona ba deklarasaun husi se-se deit. Tamba tuir LUGU, publiku bele lamenta ho kinerja servisu membru Governu nian, maibe atu remodela ka lae, desizaun tomak iha Primeiru Ministru Xanana Gusmao nia liman. 

Ministru dehan, Ministeriu ne'e nia rasik mak lidera duni, maibe kona ba lala'ok servisu sempre iha kolaborasaun no kooperasaun diak entre ema hotu. 

"Hau la kohi komenta deklarasaun husi se-se nian de'it, em particular eis Primeiru Ministru iha Primeiru Governu konstitusional, Dr. Mari Alkatiri, hau so bele dehan katak, hau iha konfiansa boot tebe-tebes ba iha funsionariu MNEK nian ne'ebe servisu iha ne'e," hateten Ministru Jose Luis Guterres iha edifisiu MNEK horsehik. 

Tuir planu iha tempu besik nia laran Primeiru Ministru Xanana Gusmao sei halo retiru ida iha Sub Distritu Maubara, Distritu Likisa hamutuk ho nia membru V Governu konstitusional tomak. 

Tan ne'e, Alkatiri esklarese katak, retiru iha maubara ne'e posiblidade no pozitivu sei akontese duni, tanba ne'e tenke halo duni remodelasaun ba estrutura Governu ne'ebe mak bokur demais liu. 

"Hau rona ona, no tenke halo duni, se hakarak atu preizde no Prensidenti ba CPLP durante tinan rua no hakarak CPLP ne'e iha dinamiku foun tenki iha remodelasaun. 

 Planu remodelasaun ne'e, Parlamentu nasional liu husi bancada Parlamentar koligasaun no Opozisaun FRETILIN mos apoiu, tanba tuir sira nia hare katak, ho estrutura Governu ne'ebe boot hatun prestasaun servisu. Maibe, desizaun hotu PN apoia no fo konfiansa tomak ba kompetensia Primeiru Ministru Xanana Gusmao.
.

Sem comentários:

Publicar um comentário

Nota: só um membro deste blogue pode publicar um comentário.