segunda-feira, 2 de junho de 2014

"Ohin TDD Fo Sai Rejultadu Kazu Babo"

,

Jornal Independente - Segunda-Feira, 02 Junu 2014 

Segunda ohin, Tribunal Distrital Dili (TDD) deside kazu Dionizio Babo da Costa Soares, atual Ministru Justica kona ba alimentus ba labarik insial MECB.

Antes ne'e Tribunal desidi iha loron Sexta (30/05) halo julgamentu poder parternal entre Dionisio Babo no Luisa da Costa, relasiona ho alimentus ba sira nia-oan ho naran inisial MECM, maibe Tribunal halo notifikasaun, hodi muda ba loron segunda (02/06) mak foin rona rezultadu tanba juis sira iha servisu ne'ebe sei halo. 

Iha fatin hanesan defensor publiku Cancio Xavier neebe fo asistensia legal ba Dionisio Babo la fo komentariu klean kona ba prosesu ne'e, maibe hein de'it segunda (ohin) mak rona rejultadu. 

"Materia de faktus ne'e muda fali ba segunda feira," nia dehan. Antes ne'e defensor publiku Fernando Carvalho ne'ebe fo asistensia legal ba atual Ministru Justica (MJ) Dionisio Babo la autoriza atu jornalista sira bele hakerek no publika deklarasaun sasin sira nia iha audensia julgamentu laran. 

Audensia julgamentu ne'e, prezidi husi juis koletivu Julio Gantes, Jose Maria de Araujo no Julmira Auxiladora, Ministeriu Publiku (MP) reprejenta husi prokuradoria Ivonia Guterres no advogadu Paulo Remedios fo asistensia legal ba Luisa da Costa no Ministru la marka prezensa, maibe reprezenta husi defensor publiku Fernando de Carvalho.
.

Sem comentários:

Publicar um comentário

Nota: só um membro deste blogue pode publicar um comentário.