terça-feira, 8 de julho de 2014

"Deputadu PN Lamenta Ho Projeitu Emerjensia Dili Laran"

.

Notisia Husi TVTL - Segunda-Kalan, 07 Jullu 2014 

Deputadu iha uma fukun Parlamentu Nasional (PN) la menta ho projeitu emerjensia iha Dili laran tamba Governu laiha planu diak ba projeitu ne'e. 

Projeitu reabilitasaun ba estrada sira iha Dili laran hahu la'o namanas kuaze fulan 4 ona, tamba sei halao simeira CPLP iha Dili. Simeira CPLP sei hala'o semana 2 oin mai, reabilitasaun ba estrada sira kontinua, deputadu sira la menta ho projeitu ne'e tamba Governu la aprejenta planu ne'ebe diak antes atu implementa projeitu hirak ne'e. 

"Hau konkorda katak, ita nia sidade tenki hamoos, tenki hadia hodi simu bainaka maibe loloos tenki tuir planu ne'ebe diak, planeamentu mai husi Ministeriu kompotente ne'e sala ona e sira la hadia, ne'e duni mak hau hateten beibeik ona katak, ne'e hatudu inkompetensia para hala'o sira nia kna'ar hanesan Ministru, hanesan sekretariu estadu," dehan Estanislau da Silva. 

Deputadu sira mos hateten katak, projeitu reabilitasaun estrada tenki hala'o ona iha tinan kotuk atu nune'e bele iha tempu badak garante nia kualidade. 

"Hau la menta de'it katak planu ida ne'e la halo kleur ona hodi halo planu didiak, agora ita halo planu ne'e atu simu eventu ruma maibe konsekuensia mak ita halo atu simu simeira CPLP hau konkorda maibe hau nia la menta mak dala barak lolos halo antes hodi halo planu ida ke diak," dehan Deputada husi PD. 

Deputadu sira sujere ona ba meza Parlamentu nasional atu bolu Ministru no Sekretariu Estadu Obras Publiku atu esplika kona ba osan neebe gasta ho projeitu hirak ne'e.
.

Sem comentários:

Publicar um comentário

Nota: só um membro deste blogue pode publicar um comentário.