quinta-feira, 17 de julho de 2014

“Deskonfia Sala Utiliza Osan Estadu, Arif Hata’an Iha Tribunal”

.

Jornal Independente Kinta-feira, 17 Jullu 2014

Ministeriu Publiku (MP) akuza eis Prezidente Sentru Komunidade Islamiku iha Timor-Leste, arguidu Arif Abdulah Sagran komete krime abuzu de konfiansa, tanba deskonfia sala utiliza osan estadu ba nia interese privadu.

Deskonfia arguidu ezekuta osan estadu ho montante rihun $38 dolar Amerika, ne’ebe Governu liu husi Ministeriu edukasaun aloka ba sentru komunidade Islamiku iha Timor-Leste atu fasilita area edukasaun, saude no saneamentu, maibe osan balun hamutuk rihun $15 nia transfere fali ba nia bankaria rasik.

Tan ne’e, Arguidu Arif tenke ba hatan iha Tribunal Distrital Dili (TDD), iha loron Tersa, horibainrua. MP akuza arguidu viola artigu 256 kodigu penal Timor-Leste ho moldura penal tinan tolu (3) prizaun ka multa. Liu husi audensia julgamentu iha Tribunal Distritu Dili (TDD), Juis Prezidente Jose Maria Araujo le sai akuzasaun husi Ministeriu Publiku (MP), katak iha loron 11 fulan-Outubru tinan 2011 arguidu hanesan prezidente Sentru Komunidade Islamiku Timor-Leste, asina akordu ho Miniteriu financas (MF), hodi fo apoiu orsaentu ba populasaun islamiku iha area remotas kona ba Saude, Edukasaun no Saneamentu.

Iha akordu ne’e hatete, karik osan hirak ne’e la gasta mak to’o iha loron 1 Dezembru tinan 2007 tenke fila-fali ba kofre estadu, momentu ne’eba MF, trasnfere osan ho montante rihun $38 ba konta bankaria sentru nian ho numeru 67 0853 101.

Maibe iha loron la hanesan, arguidu transfere osan ho montante rihun $15 ba nia konta bankaria iha banku Mandiri, no la aprezenta prova ruma ba MF, kona ba razaun trasferensia osan refere.

Hafoin rona tiha akuzasaun, arguidu Arif hatete, akuzasaun balun los no balun la los tanba osan ne’ebe nia transfere ba nia konta bankaria banku mandiri ho rajaun atu ba hola sasan iha Indonezia nia labele lori osan kas.

Entaun nia tenke transfere atu nia bele foti osan iha banku Mandiri Indonezia. Nia hatutan, depois de sosa sasan nesesidade bazikas ba komunidade islamiku nia parejenta relatoriu inklui nota sasan nia ba MF. Nia hatutan katak, iha proposta ne’ebe aprezenta ba MF husu osan ho montante $100 rihun. Maibe bainhira governu halo transferensia osan ne’e fahe tiha ba rua mak hanesan, ba konta Bankaria Mahfud nian primeiru ho montante $6,875 no transferensia segundu ho moontante rihun $23 resin.

Tan ne’e iha nia relatoriu ba MF, atraza oituan, tanba esplika mos kona ba nia laiha konesementu kona ba transferensia ne’ebe MF, aloka ba konta bankaria Mahfud nian.

Hafoin rona deklarasaun husi arguidu Arif Sagran, Tribunal desidi suspende audensia ne’e hodi rona depoismente husi sasin sira.

Audensia ne’e prezidi husi juis koletivu Jose Maria de Araujo, Julio Gantes Julmira Auxiladora Barros, Ministeriu Publiku reprejenta husi prokuradora Gloria Alves no arguidu hetan asistensia legal husi defensor Cancio Xavier.
.

Sem comentários:

Publicar um comentário

Nota: só um membro deste blogue pode publicar um comentário.