quinta-feira, 31 de julho de 2014

Deskute Kuríkulu Foun ba Universidade

.

Timor Post - 31 Jullu 2014

Díli- Ministeriu Edukasaun durante semana ida nia laran halo ona diskusaun ho peritus internasionais no intelektuál sira iha rai laran hodi ko'alia kona-ba revizaun kuríkulo foun ba Ensinu Superior.

"Tama iha 2014, Ministériu Edukasaun haree, revizaun ba ensinu superior nesesidade ona atu halo revizaun," hatete diretór jeral.

Nia hatete, revizaun foin ba universítariu ne'e halo tanba desde 2006 to'o agora seidauk iha kuríkulu foun ba universidade sira, enkuantu iha parte seluk ida ne'e nu'udar ejistensia merkadu traballu ne'ebé tenke halo tuir.

Nia hatutan, revizaun kuríkulu ne'e halo de'it ba universidade sira enkuantu ensino báziku no ensinu sekundáriu tékniku vakasionál halo ona revizaun.

Iha diskusaun ba revizaun kuríkulu ensino superior, haktuir nia, sira fahe ba grupu hitu, ne'ebé iha area Sensia Naturais, Enjenaria, Agrarias, Saúde, Ekonomia, Jestaun, Siensia Sosial no formasaun de professores. Ekipa hosi area hitu ne'e, oras ne'e kontinua hela halo diskussaun.

"Grupu ida-idak sei halo apresentasaun, depois rona ideas hosi grupu seluk, hadi'a siénsia sira ne'ebé sira aprejenta hodi hato rejultadu ba diskusaun Ministeriu Edukasaun," tenik nia.

Hafoin hato'o rejultadu diskusaun ba Ministeriu Edukasaun sei halo uluk seminariu ida hodi rona ideia hosi públiku nian molok lori ba Konselhu Ministru aprova hodi implementa. (max)
.

Sem comentários:

Publicar um comentário

Nota: só um membro deste blogue pode publicar um comentário.