sexta-feira, 11 de julho de 2014

Dr. Mari Alkatiri; "ZEESM Oekusi Sei Hari'i Dezenvolvimentu Sustentavel Ba TL"

.

Notisia Husi TVTL - Kinta-Kalan, 10 Jullu 2014 

Programa Nasoens Unidas ba dezenvolvimentu sei apoiu programa Zona Espesial Ekonomia Sosial Merkadu (ZEESM) Oekusi, hari'i instituisaun publiku no planu dezenvolvimentu rural iha Distritu Oecusi. 

 Kinta-feira ne'e administrasaun rejional ba Oecusi no Zona Especial Ekonomia Sosial Merkadu ba programa Nasoens Unidas ba dezenvolvimentu hala'o seminariu atu parte rua (2) ne'e parseira no motiva malu hodi fo suporta Estadu Timor-Leste hodi estabelese no kopera finaliza ZEESM iha Distritu Oecusi. Prezidenti autoridade ba reijaun administrativa Oekuci no ZEESM Dr. Mari Alkatiri hateten, PNUT sei apoiu ZEESM hari'i instituisaun publika no planu ba dezenvolvimentu rural. 

 "UNDP ninian apoiu para atu harii institusoens publikas iha Oecusi tamba parte ezekutiva hala'o halo nusa mak parte konsultiva funsiona, administrasaun tomak halo nusa, halo nusa mak enkuadra funsionariu publiku sira ne'ebe agora daudaun iha Oecusi, buat seluk mos UNDP atu hare planu dezenvolvimentu rural, tantu parte ezekutivu iha ona ami sei halo seminariu boot ida ho potensiais investidores iha area oioin, ne'e investimentu privadu, eskema atu halo parte dezenvolvimentu fiziku iha investimentu ne'e, ne'e maka atu harii sosiedade ida sustentavel dezenvolvimentu para Timor-Leste (TL) bele ativa iha vida sosiedade," dehan Alkatiri. 

Administrador Adjunto no Diretores nasional ba Azia Pasifika hateten, ne'e hanesan apoiu dahuluk ba eskitoriu nasional PNUT halo ho Governu. 

"Ne'e hanesan dala uluk liu ne'ebe eskitoriu nasional PNUT nian halo parseira ho Governu ida hodi hala'o inisiativa ba ZEESM no ami senti laran kmanek katak, tuir Giao ne'e, imi nia lideransa husu ami atu fo apoiu ba esforsu multi dezenvolvimentu nasional ne'e," dehan Reprezetante UNDP. 

PNUT no ZEESM oras ne'e seidauk hala'o akordu ba koperasaun ne'e, maibe tuir Prezidente ZEESM Mari Alkatiri katak, hafoin estrutura ZEESM hetan pose foin realiza akordu entre parte rua ne'e.
.

Sem comentários:

Publicar um comentário

Nota: só um membro deste blogue pode publicar um comentário.