quarta-feira, 16 de julho de 2014

“Eis Embaixador TL Ba RI Ameasa Tama Prizaun Tinan 5”

,

Jornal Independente Kuarta-feira, 16 Julli 2014

Ministeriu Publiku (MP) husu ba Tribunal atu aplika pena prizaun tinan lima (5) ba arguido Arlindo Marcal eis Embaixador Timor-Leste iha Indonesia no pena prizaun tinan 4 ba arguida Maria Renata Caldas de Jesus.

Alegasuan ne’e halo, MP bazeia ba evidensia balun hatudu arguidau ho arguida komete krime korupsaun pasiva no falsifikasaun dokumentus hodi benefisia sira sosa kareta tolu ho marka Mercedes Benz ida, Ferari ida no Bantley ida.

Entertantu, parte defeza husi arguidu nain rua Arliindo sanches husu ba Tribunal atu tetu didiak no hare rekerementu eskrito husi sasin sira no nia konsidera nia kliente la komete krime korupsaun no falsifikasaun. Antes tama alegasaun liu husi audensia julgamentu ne’e Tribunal rona depoimentu husi arguida Maria renata Caldas hatete ba Tribunal katak, arguidu konta ba nia kona ba eskema kareta iha kompania PT Surya atu sosa.

Arguidu rekonese asina duni karta ida atu sosa kareta ferray hodi uza ba interese pesoal no uza mos durante reprejetante TL iha Jakarta Indonesia. Arguida Maria haktuir, hallo konkordansia ho kompania atu sosa ho osan rihun $30 dolar Amerika, maibe promete bainhira kareta hirak ne’e to’o ona arguida sira nia liman hafoin entrega kareta. Antes ne’e, eis embaxador Timor-Leste ba Indonesia, Arlindo Marcal iha loron (8/7), presta deklarasaun iha Tribunal Distrtu Dili (TDD) tanba deskonfia komete krime korupsaun pasiva ho falsifika dokumentus tuir kodigu penal Timor-Leste.

Tuir akuzasaun Husi MP katak, iha tinan 2003 arguidu Marcal dei embaixador ho segundu sekretaria RDTL ho arguida Maria Renata Caldas de Jesus hhodi halo funsaun iha Jakarta-Indonesia.

Sira uza kargu ho previlejo iha teritoriu Indonesia no bele sosa kualker viatura especial ba viatura Luxu no la selu taxa tuir dekretu lei Ministeriu finansas Indonesia No.90/kmk.04/2012.

Ho aktu arguidu sira nian nee, MP akuza arguidu nain rua komete krime korupsaun pasiva ho falsifika dokumentus tuir kodigu penal TL.

Audensia julgamentu ne’e prezidi husi juis koletivu Antonino Gonsalves, Julio gantes ho Zulmira Auxiladora, MP reprezenta prokuradora Gloria Alves, arguidu sira hetan defeza husi advogadu privadu Arlindo Sanches, Octavio Cardoso ho Helena Pereira.
,

Sem comentários:

Publicar um comentário

Nota: só um membro deste blogue pode publicar um comentário.