sexta-feira, 11 de julho de 2014

Governu espulsa hotu vendedor sira tamba deit Cimeira CPLP

.

RADIO LIVRE TIMOR-LESTE - FACEBOOK

Iha tasi ibun iha Dili, besik Lita Store nia oin, Governu espulsa hotu vendedor sira husi neba tamba deit Cimeira CPLP nian.

Governu la interese se atividade ida ne mak vendedor sira ne nia uniku meiu hodi hetan rendimentu no sustenta sira nia vida ba lorloron.

Vendedor sira ne la hanesan ho governante sira nebe hetan privilejiu bot husi estadu hanesan kareta luxu, salariu bot, osan viagem nian, ho tan Pensaun Vitalicia. Ida ne mak situasaun ida governante sira rasik halo liu husi sira nia "lei" nebe sira kria atu beneficia duni sira nia an.

Ba vendedor sira iha tasi ibun ne, bainhira sira la halo atividade, ohin kalan sira nia familia bele la hetan hahan iha meja leten. Maibe governante sira la preokupa ho ida ne. Sira preokupa liu mak visita husi bot CPLP nian.

Ita hare momos katak ita nia governante sira, inklui PM Xanana Gusmao, laiha vontade atu tau matan ba povu kik sira nebe mak sofre liu hothotu iha tempu resistencia hasoru Indonesia. Uluk sofre. Ohin sofre dala ida tan iha governante sira nia liman.

Quo vadis Timor Leste?
.

Sem comentários:

Publicar um comentário

Nota: só um membro deste blogue pode publicar um comentário.