quarta-feira, 9 de julho de 2014

"Horta Hakarak Lei Liberal Ba Media"

.

Jornal Independente - Kuarta-Feira, 09 Jullu 2014 

Eis Prezidente Republika (PR) Dr. Ramos Horta hakarak lei komunikasuan Sosial (KomSos) tenke liberal prosentu 100 (100%) ba media. 

Tanba tuir Horta katak, Timor-Leste nu'udar nasaun demokratiku, tenke fo espasu ba media sira atu espresa povu nia hanoin hanesan direitu fundamentu ida hodi kontribui ba prosesu dezenvolvimentu. 

"Ba hau lei ne'e devia liberal sem prosentu (100%) ba media bele servisu," dehan Horta hanesan lider nasional iha nasuan ne'e ba Jornalista sira iha Palasiu Prezidensial Nikolau Lobato Bairu-Pite, Dili Tersa horsehik. 

Senior diplomatiku ne'e defende lei liberal ba media, tanba tuir nia katak, bainhiramedia forte mak demokrasia no nasuan mos bele lao ba oin, maibe bainhira media fraku no la livre mak difisil mos atu demokrasia la'o ba oin. 

Tuir nia katak, iha Timor-Leste media mos kontribui ona buat barak ba dezenvolvimentu, masked ala barak iha falansu uitoan maibe ne'e normal. 

"Media Amerika, media Australia mos dala barak hakerek buat sala mais ne'e normal iha hotu-hotu hatene," dehan Horta. 

Ne'e duni nia husu atu la bele halo lei id abele inerpreta hanesan taka dalan ba liberdade imprensa. Eis Diplomata ne'e haktuir katak, bainhira nia kaer pasta hanesan Ministru, no Prezidente iha tinan hirak liu ba, nia hetan kritika barak husi media, maibe nia lakohi atu interpreta hodi taka fali dalan ba liberdade imprensa. 

Entertantu, espera katak PR Taur mos hatene foti desizaun ne'ebe mak diak liu ba media sira hodi hatutan informasuan povu sira nian. 

Tan ne'e, nia fiar katak, Prezidenti da Republika sei la foti sala desizaun ne'ebe mak taka fali dalan ba media imprensa. Lei komunikasaun social ne'e hetan ona aprovasaun husi PN, oras ne'e, lei ne'e iha ona Prezidente Republika Taur Matan Ruak nia liman no sei estuda hela molok foti desizaun. 

Antes ne'e, lei KomSos ne'e mos hetan kritika barak husi media sira, Asosiasaun Jornalista sira liuliu Asosiasaun Jornalista Timor-Leste Press Union (TLPU), tuir Prezidente TLPU, Jose Antonio Belo katak, lei ne'e sei hamate liberdade imprensa. 

Nia dehan, lei sei salva figura publiku sira hodi libre abuzu de poder.

Nota do blogue: Ramos Horta dá uma lição de democracia a uns ditadores mascarados de democratas. Ouvi dizer que a Presidência da República tem também funcionários apoiantes da ditadura, será verdade? Até custa a acreditar, mas... Cedo ou tarde, as mascaras vão caindo...Depois conto mais...
.

Sem comentários:

Publicar um comentário

Nota: só um membro deste blogue pode publicar um comentário.