sexta-feira, 11 de julho de 2014

"Horta No Taur Preokupa Ho Servisu Ministeriu Finansas"

,

Jornal Independente -Kinta-Feira, 10 Jullu 2014 

Eis-Prezidente Republika, Jose Ramos Horta no atual Prezidente Republika, Taur Matan Ruak preokupadu tebes ho funsionamentu servisu Ministeriu Finansas (MF) ne'ebe mak ikus-ikus ne'e sempre hamosu problema. 

Ramos Horta deklara preokupasaun hirak ne'e bainhira ba halo enkontru ho PR Matan Ruak, iha palasiu Prezidente Republika, Ai Tarak-laran foin lalais ne'e. Horta dehan, Ministeriu Finansasla funsiona ho didiak tanba funsionariu nasional no professor kontratadu husi internasional barak maka to'o agora seidauk simu sira nia salariu, ne'e duni, servisu Ministeriu Finansas nian prejudika mos ema seluk ninia vida moris. 

"Ministeriu Finansas mak hatete beibeik prosesu..... prosesu...... i hau koalia ho prezidente Republika, Taur Matan Ruak mos hatete bah au katak, funsionariu sira kiak iha Prezidensia Republika ne'ebe manan $100 to'o agora fulan hat ona la simu osan, tanba falansu iha Ministeriu finansas," dehan Eis Xefe Estadu ne'e, ba INDEPENDENTE, iha Farol-Dili, horsehik. 

Ho falansu hirak ne'ebe Ministeriu Finansas halo daudauk ne'e, hanesan Ei Prezidente, Horta sujere ba iha Ministeriu finansas atu bele rezolve kestaun ne'e seriu no lalais. 

"Portantu ne'e tenke rejolve, hau espera ke Senora Ministra Emilia Pires hatudu lideransa rezolve problema ne'e, tanba iha tinan ida nia laran ona mak ita rona beibeik keixa ida ne'e dehan salariu la simu tamba blokeiamentu ruma iha Ministeriu finansas, ne'e hau rona duni," dehan Horta. 

 Horta hatutan katak, tenki haree loloos obejtividade, labele halo hanesan propaganda ke buat hotu-hotu diak no buat hotu-hotu la diak. 
,

Sem comentários:

Publicar um comentário

Nota: só um membro deste blogue pode publicar um comentário.