terça-feira, 29 de julho de 2014

Kazu CMATS: Setembru Hearing, Outubru Julgamentu Final

.

Timor Post - 29 Jullu 2014

Díli - Tuir planu, iha fulan Setembru kazu Certain Maritime Agreement  On The Timor Sea (CMATS), no iha fulan Outubru tama ba prosesu julgamentu entre governu Timor-Leste ho Austrália.

Ministru Petróleu no Rekursu Minerais, Alfredo Pires Hatete katak, kazu CMATS ora neé dadaun continua fó resposta ba malu hosi rai rua ba tribunal arbitrazen internasionál, Deen Haag - Haia, Olanda.

"Ita hatama ita nia dokumentu tuir tempu iha i prontu agora ita hein fali, Austrália atu hatán fali dala ida tan, depois orariu ne´ebé markádu ka termina tiha ona, ita hein tan advogadu sira analisa mais Setembru no Outubru hearing no julgamentu," Ministro Rekursu Naturais Minerais, Alfredo Pires hateten ba jornalista sira iha Sentru Konvensaun Díli, Sexta (25-7).

Ministru Alfredo Pires haktuir katak debates Greater Sunrise akontese iha tinan 1972 bainhira Austrália no Indonésia, maibé iha momentu ne´e la involve Portugal, entaun husik deit fronteira Tasi ka Timor Sea ho naran Timor GAP.

Hafoin okupasaun ilegal Indonésia nian assina tratadu ida ho kompañia Woodside hosi Austrália hodi deskobre kampu rua koñesidu ho naran Greater Sunrise.

Nune´e mós, iha tinan 1982 ONU hasai prinsipiu legal internasionál hó naran United Nations Convention on Law of the Sea (UNCLOS) hodi regula kona Taci ida-idak nia soberania.

Bainhira Tribunal arbitrazen internasionál uza Median Line, Pires esplika 100% hosi kampu gás no petróleu iha Bayu Undan, Greater Sunrise, Laminaria no Corallina parte territóriu Timor-Leste, la´os Austrália nian.

Iha tinan 2013 fulan Janeiru liu ba, Timor-Leste foin ratifica UNCLOS, maski Austrália ratifika kleur ona iha tinan 1994.

"Tanba ne´e kontinuasaun hearing sei akontese iha fulan Setembru, no julgamentu sei akontese iha fulan Outubru, ita lao tuir orariu tribunál nian," tenik Pires.

Maibé Austrália lakohi iha prosesu legal mandatóriu hodi resolve problema ne´e, entaun Camberra no Jacarta assina tan tratadu Timor Gap.
.

Sem comentários:

Publicar um comentário

Nota: só um membro deste blogue pode publicar um comentário.