terça-feira, 29 de julho de 2014

Lei Pensaun Vitalisia Hanesan Korupsaun Legal - Deklarasaun Sosiedade Sivil

.

Timor Post - 29 de Jullu 2014

Díli - Organizasaun Naun Governamentais neen kompostu hosi organizasaun Luta Hamutuk, Fundasaun Haburas, Fundasaun Mahein, Cepad, Renetil no TLMDC husu ba membru Parlamentu Nasionál atu reve lei Pensaun Vitalisia tanba konsidera hanesan korupsaun legal.
.
"Ami  husu ba Parlamentu Nasional tenki fó atensaun didiak hodi reve lei Pensaun Vitalisia nian, ida ne´e ami hare hanesan parte ida korupsaun legal ne´ebé akontese iha Timor-Leste nian", dehan Diretur Exekutivu TLMDC Francisco da Silva Gabri ba jornalistas sira liu hosi konferensia imprensa iha ofice Luta Hamutuk, Sexta (25/7).

Portavós ne´e hatete, membru Parlamentu sira nu´udar reprezentante povu, tuir lolos sira maka halo servisu ne´e la´os fó protesaun ba sira nia a´an no uza fali posizaun hodi proteze no fó prevelejiu deit ba sira nia kna´ar.

Sosiedade civil mós husu ba estadu atu tau atensaun ba instituisaun ne´ebé servisu ba seguransa iha nasaun ne´e atu kontrola grupu balun, tanba iha tempu kalan sira hasai hotu spanduk ne´ebé sociedade sivil sira monta iha estrada ninin kona-ba lamentasaun hasoru lei pensaun vitalisia.

Tanba sosiedade sivil konsidera asaun ne´ebé halo hosi grupu sira ne´e hanesan indikador ida ne´ebé komesa hahu ona limita liberdade ekursaun iha Timor-Leste.

Husu ba estadu bainhira organiza eventu Internasionál boot sira hanesan Cimeira CPLP, husu atu labele duni sai komunidade sira tuir governu nia hakarak, tanba estadu ida ne´e labele nega katak nia povu sei moris iha ki´ak nia laran. (fer)
.

Sem comentários:

Publicar um comentário

Nota: só um membro deste blogue pode publicar um comentário.