terça-feira, 8 de julho de 2014

Lu-Olo Deklara: Laiha FRETILIN Laiha Ukun An; "Alkatiri Husu Veteranu Kumpri Dever Hodi Sai Ezemplu Diak Ba Jerasaun Foun Sira"

.

Notisia Husi TVTL - Segunda-Kalan, 07 Jullu 2014 

Comite Central FRETILIN (CCF) fahe sertifikadu ba luta nain 200 resin iha Distritu Ermera, Partidu Istoriku ne'e mos komemora ezistensia tinan 40 iha Timor-Leste. 

Partidu FRETILIN hanesan partidu ne'ebe luta tinan barak nia laran hodi hasoru invazor Indonesia sira, sabadu foin lalais ne'e, Partidu boot FRETILIN komemora ezistensia tinan 40 iha Ermera, maske antes ne'e komemora ona iha kapital Dili. Sekretariu Jeral Partidu FRETILIN Mari Alkatiri iha nia diskursu hateten, Veteranu hotu-hotu iha direitu maibe veteranus mos iha dever boot atu hatudu ezemplu diak ba jerasaun foun sira. 

"Ita hanesan veteranu iha direitu maibe mos iha dever, ne'e mak hau (Mari) hakarak, tenki iha direitu maibe iha mos dever, deveres atu kontinua partisipa iha prosesu, deveres atu hatudu dalan ba jerasaun foun sira, hatudu dalan ida ke ho komportamentu ida diak para atu hametin nasaun ida ne'e," dehan Alkatiri. 

Alende ne'e mos Prezidente do Partidu 'Lu-Olo' hateten katak, se karik FRETILIN mak laiha tempu ne'eba ukun rasik an mos laiha, tan ne'e sidadaun hotu iha dever no obrigasaun atu hadia povu nia moris. 

"FRETILIN ho isin no raan neebe nakfakar iha rai ida ne'e nia leten mak ohin loron ita bele hetan ukun rasik an, hau hateten ba Camarada sira katak FRETILIN laiha ukun an mos laiha," dehan Lu-Olo. 

 Iha komemorasaun ne'e entrega mos sertifikadu ba primeiru kuadru 74 no 75 nia 200 resin hodi fo sasin ba luta ne'ebe durante ne'e sira oferese ona ba nasuan. Serimonia ne'e konta husi partisipasaun kuadru Partidu, autoridade Distrital, militante no simpatizante sira.
.

Sem comentários:

Publicar um comentário

Nota: só um membro deste blogue pode publicar um comentário.