quinta-feira, 24 de julho de 2014

Mauk Moruk Tensaun-Angela Freitas Sofre Tumor

.

Jornal Nacional Diário - Thursday, July 24, 2014

Prezidenti Konselhu Revolusaun Maubere (KRM), Paulino Gama ‘’Mauk Moruk’’ oras ne’e dadaun sofre hela moras tensaun ne’ebe sae to’o 200.

Advogadu privadu Mauk Moruk, Paulo Remedius, Segunda (21/7), informa katak, nia kliente oras ne’e dadaun iha hela sela prizaun preventiva Becora, tensaun sae makas no agora ne’e kontinua konsume hela aimoruk hodi hatun tensaun.

‘’Ami advogadu sira semana-semana ba hela deit prizaun Becora hodi bele haRee ami nia klientes sira nia saude. Ami nia klientes sofre hela tensaun,’’ informa Paulo Remidius ba jornalista iha nia servisu fatin, Meti-Aut, Dili.

Paulo la satisfas ho servisus prizaun sira nian. Tanba la halo pedidu ba nia kliente atu halo tratamentu iha Hospital Nasional Guidu Valadares (HNGV) maske Mauk sofre tensaun makas. Maibe sira halo deit observsaun iha iha prizaun laran.

“Prezu sira seluk ne’ebe nia tensaun sae to 150 ba leten sira lori kedas ba halo tratamentu iha HNGV. Mauk nia tensaun sae to’o 200 tanba problema hahan ne’e perigozu. Maibe ami simu mediku nia relatoriu katak agora dadaun sira halo hela observasaun ba nia saude iha prizaun laran,” Paulo Remidus hateten.

Konaba julgamentu ba Mauk Moruk ho nia kliente Angela, Freitas parte advogadu hein hela prosesu investigasaun ne’ebe Ministeriu Publiku (MP) halo hela. Too agora seidauk iha akuzasaun hasoru nia kliente nain rua, tanba ne’e nia fiar karik iha evidensia MP sei halo akuzasaun maibe karik laiha evidensia mak MP sei la halo akuzasaun ba nia kliente nain rua hodi halo deit arquivamentu ba prosesu ne’e. To’o agora parte advogadu seidkau halo pedidu ba liberdade Mauk husi prezu. Tanba seidauk to tinan no MP mos iha tempu tinan 3 atu halo investigsaun.

“Nia iha prizaun fulan tolu ona mais komu seidauk iha evidensia konaba nia prosesu mak ita sei halo pedidu. Maibe agora ita hein tok. Tanba MP iha tinan ida atu halo investigasaun no remata to tinan 3 mak laiha evidensia ita bele halo pedidu ba liberdade Mauk nian,”Paulo Remidus hateten.

Paulo mos informa katak, nia kliente Angela Freitas oras ne’e dadaun sofre hela moras Tumor. Tanba ne’e foin lalais nia kliente halo pedidu ba Tribunal husu autorizasaun hodi bele ba kontinua halo operasaun ba nia moras iha Hospital Publiku Sagla Denpasar-Bali Indonesia.

Tribunal Distrital Dili mos fo ona autorizasaun ba Angela hodi kontinua halo opersaun ba nia moras tumor iha hospital Bali. Lia
.

Sem comentários:

Publicar um comentário

Nota: só um membro deste blogue pode publicar um comentário.