terça-feira, 29 de julho de 2014

Merkadu Taibessi: Governu Promete Sei Oferese Kondisaun dignu

.

Timor Post - 29 Jullu 2014

Díli - Ministeriu Komersiu Industria no Ambiente (MKIA) liu husi Sekretáriu Estado Comercio Ricardo Nheu, husu ba vendedor iha merkadu Taibessi ne´ebé sei fa´an sasan iha rai  atu labele laran triste tanba Governu sei prepara kondisaun di´ak no sei fo tratamentu ne´ebé hanesan, maibé tuir faze.

"Oras ne´e sei tur iha rai e sei fa´an nia sasan iha rau li-liu sira hosi parte kraik ne´e, i ida ne´e sei tama faze segundu nian, tanba ne´e husu vendedor sira pasiensia oituan hodi hein," hatán Ricardo Nheu, ba Timor Post iha Centro Konvensaun Díli, Sesta (25/7).

Nia esplika konstrusaun ba faze segundu nian mós oras ne´e hala´o hela tanba ne´e bainhira ramata vendedores sira sei fa´an ho kondisaun dignu.

Hatan kona ba nia modelu nia dehan Konstrusaun segundu faze ne´e diferente ho primeira fase.

Iha fatin hanesan Vice Ministru Abel Larisina, reforsa liu tan katak, governu liu hosi MKIA prontu atu kapasita nafatin emprezarius li-liu emprezarius mikro pequenas no cooperativas liu hosi treinamentu, atu nune´e bele hala´o negosiu di´ak.

Nia promete mós sei ajuda atu trata lisensa hosi SERVE mós ba negosiante sira. (cos)
 .

Sem comentários:

Publicar um comentário

Nota: só um membro deste blogue pode publicar um comentário.