quarta-feira, 30 de julho de 2014

MPRN tenke responsabiliza Projetu Aeroportu Suai

.

Timor Post - 30 Jullu 2014

Díli - Problema dezentendimentu entre lia nain ka komunidade sira iha lansamentu primeira pedra ba konstrusaun Aeroportu Suai, ne´ebé prezudikadu ka Kompañia Wakita Karya labele hala´o servisu durante fulan rua ne´e, tuir Luta Hamutuk la´os kulpa Komunidade maibé ne´e failansu hosi Governu.

Tanba ne´e husu ba Ministériu Petróleu ni Recursu Naturais (MPRN) Alfredo Pires, tenke responsabiliza, tanba antes ne´e Ministru Alfredo laiha orientasaun profundu hodi halo sosializasaun no konsultasaun ho komunidade sira.

"Ha´u hanoin ne´e responsabilidade Ministru Recursu Naturais nian, e uluk keda ami kestiona katak Ministru konsulta ni sosiliza ona komunidade ka lae, mas Ministru hatan katak buat hotu preparadu hotu ona, mas tanba saida mak ikus mai mosu fali dezentendementu entre komunidade sira," dehan Mericio Akara ba Timor Post iha Luta Hamutuk, tersa (29/7).

LH konsidera, Ministru Alfredi la halo servisi ne´ebé di´ak no seriu no pasa tempu barak liu iha Díli, no nia konsidera katak ne´e la´os kulpa komunidadesira nian, maibé falla ne´e hosi sosilizasaun no konsultasaun.

Ne´e duni nia husu ba Ministru Alfredo, ati esforso oinsa bele resolve dezentendementu entre komunidade sira iha tempu badak, hodi nune´e labele prejudika fali kompañia sira nia servisu.

Parte seluk, Prezidente CNJTL Leovigildo Hornai, konsidera problema dezentendementu ba lansamentu primeira pedra konstrusaun Aeroportu Suai ne´e hanesan parte pozitivu ida.

Tanba liuhosi problema entre komunidade sira ne´e hanesan dalan ida oinsa governu no Estadu tomak li-liu ministériu relevante bele haree fila-fali no review fali, tanba metodu aprosimasaun ne´ebé mak durante ne´e governu uza seidauk kompletu tanba ne´e labele fó kulpa ba komunidade.

"Mas hau fi´ar katak komunidade li-liu joven sira iha suku hira iha Suai Kamanasa ne´e, bele kopera ba malu hodi buka solusaun, tanba intensaun hosi ita nia governu atu hadi´a ita nia ekonómia nasaun nian, tanba ne´e hau husu ba juventude sira iha Suai atu kopera," nia apela.

Alende nia fi´ar katak, ho medida ne´ebé Vise Ministru La Sama ho orgaun soberanu sira seluk foti, bele aprosima no sosiliza di´ak liu tan komunidade no lian nain sira iha distritu refere. (cos)
.

Sem comentários:

Publicar um comentário

Nota: só um membro deste blogue pode publicar um comentário.