quinta-feira, 17 de julho de 2014

Preparasaun Simeira CPLP Antinji 95%: “Susesu Preparasaun Simeira CPLP Sai Vitoria Ba Nasaun No Povu TL”

.

Notisia TVTL - Kinta-kalan, 16 Julli 2014

Preparasaun Timor-Leste (TL) ba realizasaun simeira CPLP ba iha tinan 2014 atinji ona 95 porsentu (95%).

 Informasaun ne’e fo sai husi Sekretariu Jeral do Ministeriu do Negosiu Estranjeiru Koperasaun Francisco Pereira Tersa-feira ne’e iha konferensia imprensa ho media nasional no internasional kona ba preparasaun Timor-Leste hodi prezidi simeira CPLP. 

Nune’e, Voce Ministru Negosiu Estranjeiru e Kooperasaun Constancio Pinto iha intervensaun rekonese katak, importante susesu simeira CPLP iha Dili no sei esforsu prosesu adezaun Timor-Leste ba ASEAN. 

“Esforsu no susesu Timor-Lesten nian hodi lidera simeira CPLP sai vitoria ba nasaun no Povu TL,” dehan Constancio. Maske la fo sai klaru kona ba lideransa ASEAN ne’ebe sei partisipa iha Simeira CPLP ne’e, maibe Constancio Pinto informa katak, simeira CPLP sei konta mos ho prezensa konvidados husi paieses sugeste Aziatiku. 

Constancio Pinto mos rekonese, papel media nasional no Internasional iha simeira ne’e importante atu divulga informasaun ba publiku kona ba susesu Timor-Leste hodi prezidi simeira CPLP tinan 2014 iha Dili. 
.

Sem comentários:

Publicar um comentário

Nota: só um membro deste blogue pode publicar um comentário.