terça-feira, 8 de julho de 2014

"Prizioneira Lucia Baixa Iha Ospital Baucau"

.

Jornal Independente - Tersa-Feira, 08 Jullu 2014

Prizioneira eis Ministra Justisa, Lucia Lobato sabadu foin lalais nee hala'o fali tratamentu saude iha Ospital rejional referal Baucau. 

Diretor Prizaun Gleno, Distritu ermera, Nito informa, kondisaun eis Ministra Lucia Lobato moras fila fali ona, maibe sira rasik la hatene moras saida make is Ministra Lucia ne'e enfrenta.

Hafoin deklara sente moras, parte Lucia Lobato hato'o karta rekerementu ba prizaun Gleno hodi transfere nia hodi ba halao tartamentu saude iha Ospital baukau.

"Sin, loos duni, kondisaun prizioneira moras hela, maibe ami la hatene nia moras saida, tanba so doutor maka bele hatene nia moras saida, tanba nia (Lucia) rasik halo karta rekerementu hodi husu ami iha loron sabadu ba halo ona tratamentu saude iha Ospital Baucau," informa Diretor Prizaun Gleno ba Jornal INDEPENDENTE liu husi via telefone horsehik. Prizioneira Lucia Lobato sempre moras beibeik no uluk ba halao tratamentu saude iha Ospital Dili, depois fila fali ba Gleno, maibe kondisaun agora hahu moras fali ona.

 Diretor Prizaun Gleno ne'e dehan, Lucia Lobato sai husi prizaun ba Ospital baucau iha loron sabadu (5/7), ne'ebe hetan akompania membru Guarda prizaun Gleno no familia Lucia Lobato nian.

Tuir Diretor ne'e katak, membru Guarda Prizaun sira sei kontinua fo asistensia seguransa to'o Prizioneiru ne'e diak bele lori fila ba Gleno.

Entertantu, Jornal ne'e tenta konfirma ba Ministru Justica, Dionisio Babo ho nia Vise Ivo valente maibe la hetan konfirmasaun klaru tanba preokupa ho servisu.

 Lucia Lobato tama prizaun tamba envolve iha kazu korupsaun, iha tinan 2012.
 .

Sem comentários:

Publicar um comentário

Nota: só um membro deste blogue pode publicar um comentário.