segunda-feira, 28 de julho de 2014

Problema Ambulansia Rezolvidu

.

Timor Post - 26 de Jullu 2014

Díli- Diretor Dirésaun Nacional Servisu Apoiu Hospitalares I Enkamiñamentu Ministeriu Saúde, Horasio Sarmento, hatete problema falta ambulánsia sei resolve iha fulan agosto.

" Problema ambulansia sei resolve iha fulan agosto, tanba agora dadaun téknika husi Telekmsel sei monta JPS, nune´e ami bele monitoring ambulansia sira," dehan Horasiu ba diariu Timor Post iha nia servisu fatin, Kaikoli, (25-7).

Alende monta JPS sei monta mos instalasaun ba kareta ambulansia sira ne´e hotu nune'e bele halo komunikasaun ne´ebé di´ak.

"Radio komunikasaun chanel kareta nian, ministeriu saúde iha repíter mesak sei utiliza liña polícia nian, AMI sei kordena ho polícia atu nune kartik programa radio chanel kareta monta hotu AMI bele distribui dadaun ona hodi responde problema ambulansia, " hatete nia.

Ministériu Saúde tinan kotuk aloca U$ 700 mil ital hola kareta ambulánsia 16 hodi responde ba problema falta kareta ambulánsia ne´ebé mak dificulta tula paciente ba hospital referral no hospital nasionál.

Portantu hafoin monta JPS maca HNGV sei distribui kareta sanulu resin tolu ba cada distritu no tolu sei reserva iha nasionál atu apoiu karik ambulansia balun avaria.(ido/mj3)
.

Sem comentários:

Publicar um comentário

Nota: só um membro deste blogue pode publicar um comentário.