quinta-feira, 17 de julho de 2014

“SEKoms Kontinua Defende Lei KomSos Konstitusionalidade”

,

Jornal Independente - Kinta-feira, 17 Jullu 2014

Sekretariu Estadu Komunikasaun Sosial SEKoms) konsidera lei Komunikasaun Sosial (KomSos), ne’ebe Governu produs no aprova ona iha Parlamentu nasional ne’e konstitusional.

Prezidente Republika Taur Matan Ruak, segunda (14/7) hatama dekretu lei komunikasaun Sosial Nu.10/III Parlamentu Nasional nian, ba Tribunal Rekursu atu halo fiskalizasaun preventiva ba dekretu hirak ne’e nia konstitusionalidade, bazeia ba konstituisaun art. 149 no 164.

Tanba ne’e, Sekretariu estadu Komunikasaun Sosial, Nelio Isac Sarmento hateten, parte Governu haree katak, lei komunikasaun social ne’e tuir regra konstituisaun RDTL.

“Hau hanoin Prezidente Republika Taur Matan Ruak Preokupa tebes ho lei komunikasaun imprensa ne’e mak haruka ba tribunal rekursu, maibe husi parte governu lei ida ne’e diak no tuir duni konstitusional hodi bele ajuda liberdade imprensa iha ita nia rai,” dehan Nelio iha Ministeriu negosiu Estranjeiru no kooperasaun, horsehik.

Prespetivamente, tuir Nelio katak, Governu zekuta lei hirak ne’e no sei hetan promulga husi Prezidente republika ema hotu-hotu tenke kumpri, tanba atu garante liberdade imprensa tenke halo lei ida ba komunikasaun social.

Maibe dehan nia, baiinhira jornalista sira kumpri etika jornalista no lei ne’e, liberdade imprensa ne’e eziste maibe kuandu kontra liberdade imprensa mos la eziste. Nune’e, kuaze dekretu lei ne’ebe tama iha Prezidente Republika, uniku foin primeira vez PR Taur haruka lei Komunikasaun Sosial ba Tribunal Rekursu durante iha ninia mandatu tinan rua, fulan ida.

Parlamentu Nasional aprova lei KomSos ne’e iha 6 maiu liu ba, lei ne’e iha artigu hamutuk 54 ne’ebe hetan kritika barak husi grupu sosiedade sivil no komunidade media sira tanba konsidera artigu balun iha lei ne’e sei hamate liberdade expresaun sidadaun nian no liberdade imprensa iha rai laran.

 Iha semana rua aliu ba, gabinete Prezidente Republika konvoka reuniaun ho grupu media sira no sosieade sivil sira hodi husi sira ni opiniaun ba lei ne’e.

Foin dadauk ne’e, eis Prezidente Republika, Jose Ramos Horta dehan, nia seidauk lee didiak lei ne’ebe PN aprova ona, maibe tuir nia hanoin katak, lei kommunikasaun social ba media ne’e tenki liberal atu nune’e bele garante direitu sidadaun sira ba liberdade expresaun no garante liberdade media nian hodi halao nia knaar nuudar kontrolu social.
,

Sem comentários:

Publicar um comentário

Nota: só um membro deste blogue pode publicar um comentário.