segunda-feira, 21 de julho de 2014

"Vizita Ultimu SBY, Posiblidade Hatudu Rate Saudozu Nicolau"

.

Jornal Independente - Segunda-Feira, 21 Jullu 2014

Liu husi vizita ultimo Prezidente Republika Indonesia Susilo Bambang Yudhoyono (SBY) mai iha Timor-Leste sei iha posiblidade atu hatudu rate saudozu Nicolau Lobato.

Vizita SBY ne'e nu'udar vizita ultimo iha nia mandatu, ne'ebe sei hala'o iha loron 27 fulan-Agusto tinan ne'e. Tan ne'e, Sekretariu Estadu ba Assuntu Kombatentes Libertasaun Nasional (SEAKLN), Julio Sarmento da Costa Meta Malik hatete, ho Vizita Prezidente Republika (PR) Indonesia Susilo Bambang Yudhoyono (SBY) iha posiblidade boot atu hetan ruin Saudozu Nicolau Lobato nian.

"Ami hein katak, depois eleisaun ne'e karik Prezidente Indonesia bele halo vizita mai Timor-Leste bele deside buat ruma no bele ke'e," hateten SEAKLN, Meta Malik iha Centro Convensoens Dili, foin lalais ne'e.

 Kona ba dezenu fatin hakoi saudozu nian, tuir nia, parte Governu Indonesia fo kompleta ona, maibe seidauk hatudu lolos numeru simiteiru Saudozu Nicolau Lobato nian hira.

"Karik tebes duni mak ne'e, buat ne'e mos deskonfia hotu, maibe ba foti hela dezenu sira ne'e hakoi iha ne'ebe, iha seroza ne'e nia nomor hira," dehan Meta Malik.

Nia akresenta katak, liu husi kooperasaun Governu Timor-Leste ho Indonesia hatudu sinal pozitivu pursentu 75, tan ne'e, iha tempu besik sei hetan saudozu Nicolau Lobato nia rate.
.

Sem comentários:

Publicar um comentário

Nota: só um membro deste blogue pode publicar um comentário.