sábado, 2 de agosto de 2014

Deskonfia Doutór Sona Mate Labarik

,

Timor Post - 01 Agostu 2014

Baucau -Iha Kuarta (30/7), Tribunál Distritál de Baucau bolu Dr.Filipe hosi Ospitál Referral Baucau hodi fó ninia testemuña iha Tribunál ba kazu omesídiu neglizénsia ne'ebé deskonfia komete hosi arguidu Infermeiru Alberto Fernandes.

Defeza arguidu hosi defensora públiku ba jornalista sira hatyete katak Dr.Filipe atu sai testumuña ba kazu deskonfia arguidu sona mate labarik idade 1 fulan 4 iha Subdistritu Ossu, Distritu Viqueque, 3 Novembru 2012.

"Ho razaun primeiru atu hatene lolos aimoruk ne'ebé hanesan arguidu uza deklara iha Tribunál ne'e impaktu ba vítima nia mate ka lae, maibé depois iha deklarasaun testemuña nia esplika no nia fori konkluzaun katak vítima mate la'os tanba aimoruk ne'e maibé antes ne'e nia moras seluk," dehan defensór Públiku Dr. Juvinal Y. Freitas ba jornalista Timor Post iha Tribunál Baucau, kuarta (30/7).

Nia dehan, tuir ninia hanoin, Tribunál bele absolve arguidu tanba la'os nia maka kauza vítima nia mate maibé impaktuhosi fatin seluk. Pur-ezemplu, doutor ida ne'ebé hanesan ba sona vítima primeira vez ho aimoruk ho ninia taka takaran ne'ebé hanesan maibé iha sona primeira vez la kauza vítima mate.

Juvinal esplika, tuir péritu nia liafuan, wainhira nia hetan pasiente ida hanesan ne'e iha primeira vez sona la afeta buat ruma iha nia órgaun, entaun nia garantia porsentu 99.90 sei pasa ho aimoruk ne'ebé hanesan no labarik konsege di'ak tiha.

Depois ikus mai vítima ne'e moras fila fali entaun nia inan aman fó konfiansa nafatin ba arguidu infermeiru ne'e hodi bolu nia ba sona segunda vez nian, maibé depois sona aimoruk ne'ebé hanesan liu tiha oras balun dehan konsege mate.

Hafoin labarik ne'e mate tiha maka vítima nia inan no amanhalo keixs ba iha ministériu públiku depois levanta mai to'o iha Tribunal. Antes ne'e, iha 25 de Abril, halo tiha ona alegasaun maibé Tribunál sei iha dúvida maka'as.

"Ohin (Kuarta-red), Tribunál bolu péritu ne'e (doutor Filipe) mai iha Tribunál hodi fó nia testemuña no deklarasaun kona-ba aimoruk, oin tolu ne'ebé arguido sona ba vítima.

Aimoruk hirak ne'e maka hanesan Xilomidren ho ninia takaran 0,5cc no B.complex ninia takaran 0,5cc," Juvenal tenik.

Maibé depois ita produsaun provas inklui Tribunál mós bolu tiha péritu, liu-liu ema ne'ebé iha koñesimentu di'ak liu konaba aimoruk ne'e dehan la'os aimoruk ne'e maka kaiza labarik ne'e nia mate.

Depois rona tiha deklarasaun hosi testemuña Dr. Filipe nu'udar ema péritu iha área saúde nian, parte Tribunál desidi adia sentensa ne'ebá ba iha 22 de Agostu 2014 tuku 9:30 OTL.

Kazu ho númeru 0503/2011, PDBAU, ho nia observasaun leitura sentensa ne'e prezidi hosi juis singular Dr. António Fonseca, Ministériu Públiku reprezenta hosi Dr. Pascasio da R. Alves oarte defeza hosi Defensoria Públiku, Dr. Juvinal Y. Freitas. (gut)
.

Sem comentários:

Publicar um comentário

Nota: só um membro deste blogue pode publicar um comentário.