terça-feira, 5 de agosto de 2014

Kazu Boby Tama iha Prosesu Segredu

,

Timor Post - 05 Agostu 2014

Díli - Ministra Finansas Emília Pires labele fó sai kazu eis asesór Ministériu Finansas, Boby Boye, tanba Konsellu Ministru deside tama iha prosesu segredu.
.
"Ida ne'e ha'u ladun hatene, maibé ha'u nia Vise Ministra rasik hatete tiha ona ba ita boot sira katak Konsellu Ministru halo tiha reuniaun ida hodi dehan ami labele ko'alia lai, tanba prosesu ne'e la'o hela.Ita ko'alia prosesu bele prejudika fali iha ne'ebá," Ministra das Finansas informa ba jornalista sira iha edifisiu Ministériu Finansas (MF),Segunda (04/08).

Enkuantu, reprezentante povu iha uma fukun Parlamentu Nasionál ejizi ba Ministra Finansas atu esplika klaru kazu refere ba públiku, tanba na'ok osan 3.5 miloens hosi Ministeriu Finansas.

Hatán ba kestaun ne'e, Ministra Finansas Emilia Pires husu ba Parlamento Nasionál, Sosiedade Sivíl inklui públiku pasiénsia oituan hodi hein prosesu.

Tanba, tuir Ministra Finansas katak, kazu refere ba oras ne'e daudaunn konfidensiál ka segredu.Labele fó sai. Bainhira fó sai, Ministra dehan, bele prejudika mós ba governu Timor-Leste nia servisu ho FBI ne'ebé kaptura.

Emília haktuir katak, inkontru Konsellu Ministru prezide hosi Primeiru Ministru intrega tomak ba FBI ho Tribunál Amérika hodi halo prosesu investigasaun.

Bainhira Tribunál Amérika presiza evidénsia ruma, Timor-Leste prontu aprezenta ba testemuña kazu Boby Boye ne'ebé lori halai osan 3.5 milloens hosi Timor-Leste. (vas)
.

Sem comentários:

Publicar um comentário

Nota: só um membro deste blogue pode publicar um comentário.