sábado, 16 de agosto de 2014

Pessoal Saúde La Rende Kontra MS

.

Timor Post - 16 Agostu 2014

Díli - Pessoal Saúde sei la rende ezije nia direitu bainhira laiha solusaun, maka sei kontinua organiza-án hodi halo asaun protesta hasoru Ministériu Saúde (MS) tanbá problema prátika nepotismu no diskriminasaun iha prosesu rekrutamentu.

Tuir observasaun diariu Timor Post (15/08), hahú nota mesmu toleransia de pontu maibé pessoal Saúde grupu rua sei diskute kontinuasaun ba asaun protesta bainhira laiha solusaun.

"Ami sei hein kuandu laiha rezultadu, ami kontinua hala'o protestu hasoru Ministériu Saúde," dehan pessoal Saúde ne'ebé mak lakohi publika nia naran ba Timor Post.

Maske governu deside toleransia pontu, maibé funsionariu sira ne'ebé mak halo greve kontinua konsentra hamutuk hodi debate no marka loron ba greve tuir mai.

"Planu hela atu hala'o protesta iha loron segunda mai hasoru Ministériu Saúde," oknum pessoal Saúde ne'e dehan.

Antes ne'e Ministéru Saúde,Sergio Lobo hatete pessoal sira ne'ebé mak halo protestu sobre rejimi espesiál, tuir Ministériu Saúde esplika katak rejimi jerál ba funsionáriu sira ne'ebé mak servisu iha administrasaun no rejimi espesiál ba profesional Saúde sira ne'ebé mak hanesan parteira (bidang) no profesional Saúde sira ne'ebé mak ohin looron halo atendementu hela ba pasiente. Tanba infermeiru ka doutór sira ne'ebé mak servisu kleur ona iha administrasaun sira mos laiha direitu atu hetan rejimi espesiál.

"Agora iha profesional Saúde balun hanesan doutór ka infermeiru balunne'ebé desde uluk kedas sira serbisu iha kantor ka administrasaun, sira ne'e ita konsidera katak laiha direitu simu rejimi espesiál. Agora sira hakarak tama rejimi espesiál, no agora serbisu tinan rua ona iha rejimi jerál, entaun sira tenke tuir teste konhesementu ba rejimi jerál. Sira protesta ne'e lakohi ba halo atendementu iha fasilidade Saúde, sira hakarak iha administrasaun, tanba ne'e sira hakarak ezije fali para hetan rejimi espesiál ne'e los ka lae," Ministru Lobo hatete ba jornalista sira iha Hotel ba Timor Post (14/08).

Maibé Ministru Saúde Sergio Lobo afirma katak sei hein relatoriu sei hasoru malu ho Direitor Rekursu Umanu no funsionáriu sira ne'ebé halo protestu.

"Ha'u seidauk hasoru sira no rona sira nia preokupasaun, tanba ne'e ha'u sei hein relatoriu. Maibé tuir ha'u hatene, uluk laiha rekrutamentu internu, maibé agora sira protestu sai fali públiku, buat hotu ita la'o neineik," Ministru hatete. (ido)
.

Sem comentários:

Publicar um comentário

Nota: só um membro deste blogue pode publicar um comentário.