quarta-feira, 13 de agosto de 2014

PR Taur Iha Obrigasaun Hakilar Governante

.
Foto de Presidência da República de Timor-Leste, Facebook
Jornal Nacional Diário - 13 Agostu 2014

Sekretariu Estadu Desentralizasaun Administrativa (SEDA), Tomas do Rosario Cabral, hatete, Prezidente Repúblika (PR) Taur Matan Ruak iha poder tomak atu hakilar membru Governu sira atu servisu maka’as liu tan hodi tun to’o baze.

“Prezidente da Republika hanesan Xefi Estadu, nia iha orbrigasaun tomak atu koalia,”dehan Tomas Cabral ba jornalista sira Tersa (12/08), iha ofisiu Administrasaun Municipiu Dili, relasiona ho preokupasaun PR Taur nian katak governante tenki hakbesik-an ba povu nune’e bele lori Governasaun ne’e to’o iha baze.
.
“Hanesan membru governu ami ba baze,”hatete SEDA Tomas Cabral.

SEDA Tomas Cabral reafirma, ho preokupasaun Xefi Estadu nian ne’e mak agora sira hahú hala’o tomada de pose ba konselhu konsultivu lokal, no konselhu ida ne’e iha vantazen tanba kada loron 15 sempre hatama relatoriu mai SEDA atu haruka ba Konselhu Ministru.

“Iha ne’e mak ita komesa kontrola malu ona. Agora PR dehan membru sira tenki tun ba baze ho komunidade ne’e, nia hanesan xefi Estadu iha obrigasaun, nia iha direitu atu koalia ida ne’e. maibe agora ita hanesan membru governu atu tun ba baze ne’e mak tenki tuir ida-idak nia kna’ar,”hatete Tomas.Nev
.

Sem comentários:

Publicar um comentário

Nota: só um membro deste blogue pode publicar um comentário.