quarta-feira, 13 de agosto de 2014

Remodelasaun La Liu Bloku Koligasaun: PD Aseita, FM Hili Nonok

.

Jornal Independente - 13 Agostu 2014

Díli - Partidu Boku Koligasaun (BK), kompostu husi Congresu Nasionál Rekonstrusaun Timorense (CNRT), Partidu Demokratiku (PD) no Frente Mudansa to'o agora seidauk iha konsulatasaun formal husi Primeiru Ministru Xanana Gusmao ba planu remodelasaun Governu.

Maski nune'e, tuir Prezidente PD, Fernando La Sama de Araujo katak, Bloku Koligasaun fó ona lejitimidade ba PM Xanana atu hasai ka aumenta ema ne'ebé bele servisu hamutuk ho nia, Tan ne'e, husik PM Xanana rasik mak deside tuir nia kompetesia,

Entretantu Frente Mudansa hili dalan nonok de'it, maski nune'e nia membru balun aruma ona sasan iha Governu.

Tuir La Sama drhan, PM Xanana iha legalidade atu halo remodelasaun ba membru Governu ne'e sei la fó ameasa ba Bloku Koligasaun atu rahun.

"Bloku sei la nakfera," hatete Presidente Partidu Demokratiku (PD) atual Primeiru Ministru interinu ne'e ba jornalista sira.

"Maibe Bloku Koligasaun sei la'o nafatin hela, remodelasaun ne'e tenke hala'o i Primeiru Ministru Xanana Gusmão iha kompetensia atu haree karik tanba estrutura ne bo'ot liu, ou ema sira iha laran ne'e servisu la'o ladun di'ak atu troka se, ne'e normal".

Iha fatin ketak Sekretariu Jerál Partidu Frente-Mudansa, Jorge Teme lakohi fó komentariu kona ba assuntu ne'e bainhira jornalista konfirma pozisaun ba planu remodelasaun ne'e,

Maski seidauk halo remodelasaun, maibé membru balun husi Partidu Frente-Mudansa ne'ebé tuur iha Governu aruma ona sasan hodi hein desizaun PM Xanana.

Sekretáriu Estadu Seguransa (SESS), Vitor Costa aviza ona ba nia funsionariu tomak atu aruma sasán edifisiu nian molok Sekretáriu Estadu foun troka.

" Ha'u lahatene ha'u nia an ne'e remodela ka lae, mas ha'u mak prevee, prontu atu aruma ha'u nia uma laran didi'ak hodi entrega ba Governu foun," nia deklara.

Tuir nia katak, PM Xanana halo remodelasaun sei la haree Partidu Koligasaun ka lae, tanba importante mak ema ne'e iha kapasidade atu dezenvolve rai ne'e.
.

Sem comentários:

Publicar um comentário

Nota: só um membro deste blogue pode publicar um comentário.