quarta-feira, 20 de agosto de 2014

Taur Enkoraza Veteranus Organiza-án

.
Foto de, Presidência da República de Timor-Leste, Facebook.
Timor Post - 19 Agostu 2014

Díli - Prezidente Repúblika (PR) Taur Matan Ruak husu ba veteranu sira tenke konsolisa malu hodi kontinua nafatin, tanba situasaun no mehi ne'ebé iha futuru maka moris di'ak ne'ebé sai hanesan dezafiu.

"Hau enkoraza veteranu atu buka solusaun ba problema sira ne'ebé iha ho hanoin ida katak, sira nia misaun seidauk hotu no nasaun tomak nian, tanba ukun-án ita hetan tiha ona maibé moris di'ak ita seidauk hetanm" hatete PR Taur ba jornalistas sira iha Palsiu Prezidente Nicolau Lobato, Segunda (18/08).

Tanba ne'e, Prezidente dehan, veteranus tenke prepara-an ba iha situasaun foun ne'ebé lori povu ba iha moris di'ak ne'ebé mehi durante luta nia laran.

Tuir Taur, veteranus sira presiza buka hatene hodi organiza di'ak atu bele kontribui nafatin ba iha prosesu dezenvolvimentu, tanba iha situasaun ne'ebé presiza kontribuisaun sidadaun hotu iha dezenvolvimentu.

"Veteranus tenke hatene organiza-án la'os ida-idak iha ninia grupu, maibé kria organizasaun isa ne'ebé iha kredibilidade no bele sai portavoz no sai mós parseiru ba governu," dehan Taur.

Ita presiza evita atu nune'e bele organiza-án di'ak no ita hotu labele fó sala ba malu, maibé tenke hanesan parte ida ba buka solusaun", haktenik nia. (jxn)
.

Sem comentários:

Publicar um comentário

Nota: só um membro deste blogue pode publicar um comentário.