terça-feira, 16 de setembro de 2014

Deklara Duni Juiz Husi Portugal, PM Xanana "Oho" Justisa TL

.

Timor Post - 15 Setembru 2017

Díli - Vise Prezidente bankada FRETILIM, deputadu Francisco Branco konsidera deklarasaun Primeiru Ministru Xanana Gusmão atu duni juiz Portuguesa hanesan ataka sistematiku ida hasoru autór judisiariu iha Timor-Leste.

"Observa iha media, iha atake sistematiku ba autores justisa sira, no iha mós atake sistematiku ba instituisaun ne'ebé estaru harii hodi luta kontra korrupsaun, (ne'ebé fó preokupasaun, liliu  Primeiru Ministru, ita fó mensajen ida bá publiku katak ita lalika fiar autór justisa," Branco hatete iha PN (12/9/2014).

Tuir Branco katak, maske juiz portuguesa sira ema estranjeiru maibé sira servisu iha TL tuir lei TL nian no konsidera autores justisa Timor Leste nian.

"Iha deklarasaun hakarak duni sai juiz huso rai selun hanesan portuguesa, maibé karik juiz Timor Oan hala'o sira nia servisu tuir konstituisaun haruka, tuir lei haruka ne'e ita halo sá ba sira, ita atu duni sira," Branco husu.

Branco hatete deklarasaun sira ne'e bele infrakese sistema justisa iha Timor Leste.

"Kuandu hasai esteitmentu ida hanesan ne'e, ha'u hanoin kuidadu ho ita nia deklarasoens para ita labele enfrakese fali instituisaun estadu nian, ne'ebé kaer justisa," Branco husu.

Desizaun ne'ebé juiz sira hasai ne'e tuir lei no servisu justisa ne'ebé vigora iha TL, laos desizaun juiz tuir fali ema ida ou governante ida nia hakarak, ne'e lae.

"Bainhira sira (juiz) hasai desizaun ruma la monu ba ita nia laran, ida ne'e mak akontese ita labele hasai razaun (atu) desizaun hotu tuir ita nia hakarak entaun lalika ona harii tribunal sira iha ita nia rain," Branco hatete.

Nudar reprezentante povu iha Parlamento, Branco dehan, lideransa nasaun ne'e tenke kuidadu bainhira hasai esteitmentu ruma.

"Deklarasaun ida hanesan ne'e ladun kontribui ba hametin prosesu konsolidasaun ba ita nia sistema iha rai laran liliu ita nia estadu direitu demokratiku," dehan Branco.

Juiz sira hasai desizaun tamba interpreta konstituisaun no lei ne'ebé iha TL, tamba ne'e servisu justisa nian.

Entretantu Ministru Justisa, Dionísio Babo hatete Primeiru Ministru nunka hanoin atu duni juis Portugal ne'ebé fó apoiu ona ba prosesu justisa iha Timor Leste.

"Primeiru Ministru la hatete, haruka fila juis Portugal, maibé nia halo espreksaun vontade karik, nia haree balun ladun di'ak mak haruka ba tiha iha liur, mais nia koalia hanesan halimar de'it. Nia koalia deskontente ho buat balun, maibé Primeiru Ministru laos koalia tebes  nian, Ministru Justisa haktuir ba jornalista sira iha Centru Convenção, Díli (11/09).

Ministru Justisa hatete, nasaun Timor-Leste ukun-an tinan 12, presija nafatin apoiu hosi juis internasionál atu nune'e eleva liu tam Timor Oan sira nia kapasidade.

"Ita presija apoiu internasionál nafatin, maibé ita presija ema ne'ebé iha maturidade no pensamentu sobre realidade kondisaun Timor Leste, tamba lei dinamiku presija haree sosial," Ministru Babo hatete. (uly)
.

Sem comentários:

Publicar um comentário

Nota: só um membro deste blogue pode publicar um comentário.