sexta-feira, 12 de setembro de 2014

PM Xanana Apresia PR Taur Fó Indultu Ba Lucia

.
Foto, Facebook.
Jornal Independente - 12 Setembru 2014

Díli: Primeiru Minustru Kay Rala Xanana Gusmão "kontente" ho indultu ne'ebé Prezidente Repúblika fó ba nia eis membru, Lucia Lobato.

PM Xanana apresia desizaun Taur no konsidera indultu hanesan hanoin di'ak husi Prezidente Taur.

"Ha'u sente katak Prezidente (Taur) iha hanoin ne'ebé di'ak," dehan Xanana iha Aeroporto Nikolau Lobato, foin lalais.

Tuir nia, kazu eis Ministra Justisa tama prizaun ne'e demais liu, tanba iha Portugal mós iha problema korupsaun ho valor ne'ebé aa liu maibé simu pena tolu (3) maibé la tama iha prizaun.

"Agora sira kompara  ho Lucia kuatru mill (rihun 4) ne'e dehan berblebihan teb-tebes, agora komu Lucia sai tiha ona ha'u ba Portugal hasoru Prezidente Tribunal Surpremu sira dehan kazu Lucia ne'e berlebihan," dehan Xefe Governu ne'e.

Tuir Xanana Lucia Lobato bainhira sei asuni kargu nu'udar Ministra sai autor ida hodi harii no dezenvolve setór justisa iha Timor-Leste.

"Hau komu mai husi 2007, Governu AMP haree katak setór Justisa aat ne'ebé Lucia Lobato mak hadia setór justisa, aumenta osan ba sira fó kareira ba sira hotu," katak PM Xanana.

Iha oportunidade ne'e PM Xanana hato'o hikas kritika ba Juis no Prokurador husi Portugal ne'ebé dadaun ne'e servisu iha Timor-Leste.

Tuir PM Xanana autór Judisiariu hirak husi Portugal laiha kapasidade ba analiza kazu.

"Mas malae balun hatak ita ne'e hateke de'it ba nia sapatu tutun, ita la akompanha sira nia rai ne'ebé sira mai halo ita mós hakfodak, dala barak ha'u koalia malae sira ne'ebé halo justisa lahuun ladikin ne'e mak iha Portugal karik Portugal la bangkrut hanesan ne'e."

Tanba ne'e mak ha'u bele dehan ita nia justisa hakarak de'it katak korrupsaun ne'e governu hotu korruptu ne'ebé hatene de'it iha julgamentu no pena de'it," dehan Xanana.

Xanana dehan autór justisa, lolos tenke hatene analiza ema, haree nia hahalok saida no sala to'o iha  ne'ebé.

Dadaun ne'e, tuir Xanana setór justisa haree governu hanesan inimigu.

"Ita nia juis ne'ebé estuda iha Indonésia laiha kulpa mós, ita koalia Portugues mós lahatene apalagi le'e akordaun boot sira, ne'ebé hurlele mak pena de'it no juis sira ne'e ita selu osan boot liu Primeiru Ministru ka Prezidente Repúblika nian ida," katak Xanana.

Maski nune'e, Xanana dehan nia parte nunka interven ba sistema Justisá iha Timor-Leste. 
 

Sem comentários:

Publicar um comentário

Nota: só um membro deste blogue pode publicar um comentário.