sábado, 24 de janeiro de 2015

Issu Ninja Kontinua Mosu iha Komunidade husu Siguransa PNTL Patrólia Maka’as To’o Area Rurais!

.
Moisés Vicente

Husi: Moisés Vicente Alumni: Universidade da Paz (UNPAZ)- 2008 Telefone: +670 77291406

Issu Ninja Kontinua Mosu iha Komunidade husu Siguransa PNTL Patrólia Maka’as To’o Area Rurais! (Ha’u nia análiza la’os ninja, maibé ha’u prefere liu grupu na’ok ten maka halo ninia án hanesan ninja).

Peguntas  iha leten ne’eba ne’e hakerek na’in halo análiza kona-bá issu ninja, maibé hakerek na’in prefere liu ba grupu na’ok ten maka halo ninia án lolos hanesan ninja.)

Iha semana hirak liu ba loron 12 fulan Janeiru 2015, iha Uma Fukun Parlamentu Nasional, Deputadu Bankada Congresso Nacional de Rekonstrução de Timor-Leste (CNRT) Jacinto Viegas Vicente-(Maun Roke) foti kestaun kona-bá “Grupu balun ne’ebé maka halo nia án hanesan ninja hodi ameasa populasaun iha Municipiu Bobonaro”. Iha ne’ebé populasaun iha tempu kalan lahakmatek ho situasaun trauma. Populasaun ba hala’o nia aktividade agrikultura nian natar no to’os mos ladiak tamba tauk ho issu grupu ninja.

Fatin ne’ebé issu grupu ninja halo ameasa ba populasaun maka area postu-administração Balibo, Atabae, Maliana (iha parte balu, la’os Maliana tomak), Cailaco, no issu grupu ninja refere daet mai iha postu administração Hatulia, Municipiu Ermera. Ho ida ne’e husu ba, instituisaun siguransa FALINTIL-Força Defeza Timor-Leste (F-FDTL) no Polisia Nasional Timor-Leste (PNTL), liu-liu siguransa interna PNTL Departementu Polisiamentu Komunitaria, Intelijénsia Polisia, Ofisias Polisia Suku (OPS) tenke serbisu maka’as atu identifika no kaptura grupu ninja refere. Grupu hirak ne’e ninja duni ka lae? keta halo grupu ninja sira ne’e atu na’ok populasaun nia animal, ka populasaun nia aihan ruma ne’ebé populasaun sira kuda bá.

Hakerek na’in nia idea, husu komunidade tenke servisu hamutuk ho Xefe Suku, no lia na’in (adat) iha suku, ou lae komunidade informa lalais ba autoridade siguransa lokal hanesan Polísiamentu Komunitaria iha Suku, Intelijénsia Polísia, Ofisiais Polísia Suku. Nune’e Polísia Komunitaria, Ofisiais Polísia Suku bele komunikasaun lalais liu husi radio HT, ou bele liu husi telefone (Timor-Telecom, Telemor, no Telkomcel) ba iha Komando Eskuadra Polísia hodi tunbá kaptura grupu ninja ne’ebé atu ameasa no atu oho populasaun.
.
Sanak seluk, problema issu ninja la’os foin mosu iha tinan 2015 ne’e deit iha Municipiu Bobonaro, maibé hakerek na’in nia observasaun direita no le’e liu husi mídia nasional Jornál Suara Timor Lorosa’e, no mídia sira seluk katak tinan 2014 kotuk liu bá, iha Postu Administração Maliana, kazu issu ninja ne’e akontese duni iha “loron 4 Fevereiru 2014 iha grupu organizadu ema bolu ninja ema nain hat (4) resin taka halo oin metin halo atakasaun uma privadu lima (5), no iha edifisiu públiku rua (2), edifisiu Rejistu Sivil Distritu Bobonaro, no edifisiu Diresaun Rejional Transporte e Terrestres iha Sub-Distritu Maliana”. Iha sorin seluk, kazu ninja ne’e mos akontese tinan 2010 kotuk liu bá, iha ne’ebé “grupo organizadu ninja sempre halo asaltu be-beik hodi na’ok komputador Laptop 35 iha kolegio Madre sira nian”.

Lidun seluk, hakerek na’in hakarak dalen uituan kona-bá istória nia hun lolos ninja ne’e mai husi ne’ebé? tuir mai ho lian melayu dehan: “Ninja atau Shinobi (忍者 atau 忍び?) (dalam bahasa Jepang, secara harfiah berarti "Seseorang yang bergerak secara rahasia") adalah seorang mata-mata zaman feodal di Jepang yang terlatih dalam seni ninjutsu (secara kasarnya "seni pergerakan sunyi") Jepang. Ninja, seperti samurai, mematuhi peraturan khas mereka sendiri, yang disebut ninpo. Menurut sebagian pengamat ninjutsu, keahlian seorang ninja bukanlah pembunuhan tetapi penyusupan. Ninja berasal dari bahasa Jepang yang berbunyi nin yang artinya menyusup. Jadi, keahlian khusus seorang ninja adalah menyusup dengan atau tanpa suara”. 

Liga ho kazu issu ninja ne’ebé mosu bebeik iha komunidade nia le’et, tuir ha’u nia hare’e kontekstu iha Timor-Leste oin seluk fali, dala ruma la’os ninja lolos, ne’e ninja atu na’ok ema nia animal, atu na’ok ema nia sasan iha uma laran no seluk-seluk tan. Ninin ba ne’e, fó hanoin mos ba lider autoridade Governu hanesan Administrador Municipiu, Administrador Postu-Administração Municipiu, Xefe Suku tenke atensaun maka’as ba issu ninja ne’ebé rona bebeik husi komunidade.

Ikus liu, fó hanoin mos ba instituisaun siguransa interna no externa PNTL no F-FDTL fó patroliamentu rutina iha area remotas/rurais no iha Cidade laran.

** Referénsia:

1. Issu Ninja Terror Povu Bobonaro. Asesu iha Jornál Timor Post, 13 Janeiru 2015.
2. Ninja Ameasa Populasaun Iha Bobonaro, Diskonfia Suporta Husi Ema Estranjeiru. Asesu iha Jornál Nacional Diário, 13 Janeiru 2015.
3. PNTL Sei Halo Intervensaun ba Issu Ninja. Asesu iha Jornál Nacional Diário, 14 Janeiru 2015.
4. Polisia Husu Komunidade Labele Paniku ho Rumoris Ninja. Asesu iha Jornál INDEPENDENTE, 14 Janeiru 2015.
5. Isu Ninja iha Bobonaro, PNTL Sei Foti Medidas Preventiva. Asesu iha Jornál Suara Timor Lorosae, 15 Janeiru 2015.
6. Povu Hatolia Oho Ona Ninja Na’in 4, Sekretariu Estadu Siguransa-(SES) Laiha Informasaun. Asesu iha Jornál INDEPENDENTE, 15 Janeiru 2015.
7. http://id.wikipedia.org/wiki/Ninja. Asesu iha Internet iha loron 22 Janeiru 2015.
,

Sem comentários:

Publicar um comentário

Nota: só um membro deste blogue pode publicar um comentário.