terça-feira, 27 de janeiro de 2015

Mauk Moruk:"Ha'u nunka hakarak entrega an ba Embaixada Australia no Estadus Unidus nian"

.

Timor Hau Nian Doben - 26 de Janeiru 2015 - Tradusaun hosi Oan Kiak

Eis Komandante FALINTIL nian, Paulino Gama alias  Mauk Moruk, dada lia ho Timor Hau Nian Doben no nia nega katak nia husu ba embaixada Australia no Estadus Unidus Amerika nian ba halo negosiasaun ba nia atu entrega an, ka nia hakarak entrega an ba reprejentasaun diplomatika refere.

"Ida ne'e manobras oi oin ema seluk nian, ha'u husu de'it ba nasaun nain rua ne'e atu tau matan ba gobernu ninia hahalok hanesa korupsaun, naoksaun no ita povu nia terus, ha'u husu ba nasaun refere ba defende povu ninia direitus no sira husu ba governu atu hatan ba povu ninia nesesidade, maibe ha'u nunka husu sira ba sai hanesa mediador ida ba ha'u entrega an ", dehan Mauk Moruk.

Zizi Pedruco (husu dala ida tan) - Tempo Semanal fo'o sai notisia katak señor hakarak entrega an ba embaixada nain rua ne'e, hahu negosiasaun tiha ona ho sira, señor komandante bele explika mai ha'u di'ak liu tan, tan ba ha'u sei  la kompreinde ho di'ak.

Mauk Moruk (ho pasensia boot)
-Oh alin, ha'u atu entrega ha'u nia an ba embaixada sira ne'e halo nusa, ha'u serkadu hosi fatin hotu hotu. Karik ha'u rende, hahalok ne'e hanesa nega hotu hotu que ha'u fiar, nega ha'u nia kaben nia mate, que indoneziu sira oho "barbaramente", ha'u nega ha'u nia oan sira nia mate nomos nega martires da patria no ita nia maun alin sira que mate. Ha'u la ba entrega ha'u nia an ba embaixada rua ne'e, ha'u ba mate iha Timor-Leste. Ha'u la fiar ona jornais Timor nian, ha'u la ko'alia ona ho jornal Timor nian nein ida, sira fa'an tiha ona sira nia an.

Jornal Tempo Semanal fo sai notisia Quarta-feira liu ba, katak Mauk Moruk atu  entrega an de'it  ba embaixada Australia ho Amerika tan ba " nia la fiar ona guvernante sira".
.

Sem comentários:

Publicar um comentário

Nota: só um membro deste blogue pode publicar um comentário.