terça-feira, 10 de março de 2015

Prezidente Taur Preokupa Ho KRM nia asaun

.

Timor Post - 19 Marsu 2015

DILI-Prezidente Republika (PR), Taur Matan Rauk no estadu tomak preokupa tebes ho situasaun grupu Mauk Moruk (MM), ne’ebé halo tán krime iha Postu Admminitrativu Baguia, Munisípiu Baucau, Domingu (8/3) madrugada.

Preokupasaun ne’ebé Prezidente Repúblika hato’o liuhusi enkontru ne’ebé hala’o ho Ministru Defeza, Cirilio Cristovão ho Ministru Interiór, Longuinhos Monteiro, relasiona ho situasaun iha Baguia.

“Prezidnete Repúblika preokupa situasaun ne’ebé mak mosu no husu atu komunidade tomak bele ajuda fó apoiu atu mantein nafatin hodi firmeza iha interese estadu ninian, la’ós interse grupu sira seluk nian,” hatete Ministru Longuinhos Monteiro ba jornalista sira iha Palasiu Prezidensiál, Bairopite-Dili, Segunda (09/03).

“Prátika ne’ebé mosu iha ne’ebá laiha duvida atu hatete katak, prática de crime ne’ebé akontese iha área ne’ebá no mai organiza duni husi grupu Mauk Moruk ninia ema sira ne’e”, haktenik nia.

Longuinhos dehan, prátika ne’ebé mosu hanesan repete fila fali hahalok krime ne’ebé sumu antes no hetan ona justifikasaun katak, krime ne’ebé kontra autoridade estadu.

Ho ida ne’e estadu ho ninia pozisaun kondena no buka meius halo nusa operasaun atu nune’e bele liga ho situasaun ne’ebé iha no laiha dalan seluk ne’ebé liga ho prátika ne’e ho razaun saida de’it.

“Ida ne’e prátika krime no krime kontra autoridade estadu no orden konstitusionál no estadu iha ninia pozisaun atu oinsá buka meius hodi responde kestaun ida ne’e”, dehan Mnistru Interiór ne’e.

Tanba ne’e parte seguransa no deféza buka atu halo saida mak hasoru situasaun sira ne’ebé mosu no sei iha desizaun kona-ba situasaun ne’ebé akontese dadauk ne’e.

Enkuantu PM, Rui hatete estadu tomak preokupa situasaun agora ne’e iha rai laran no orgaun soberanu sira sei halo konkordansia atu bele responde situasau iha Baguia.

“Sr. Mauk Moruk justisa buka hela. Depois akontese tan, akontesimentu hanesan, entaun orgaun soberania sira halo konsentrasaun atu hola medidas”, hatete PM Rui hafoin hasoru malu ho PR Taur.

Tuir Rui, situasaun ne’e preokupasaun estadu tomak nian no situasaun grave estadu tomak preokupa.

Nune’e orgaun soberanu sira hanesan Prezidenti Repúblika, Parlamentu Nasional, Tribunál no Governu foti ona medidas hodi halo konkordansia atu bele responde situasaun iha tempu badak.

“Iha tempu badak sei anunsia medidas ne’ebé estadu foti hodi hasoru grupu MM ne’ebé halo asaltu iha Postu Administrasaun Baguia. Ami sei hatete ba imi (jornalistas). Governu sei fó sai ba imi”, haktenik Rui.
.
PM Rui dehan, operasaun husi parte defeza ninian ne’e kontinua nafatin, maibé hein mós desizaun konsertasaun husi orgaun soberanu sira.

Iha fatin hanesan Prezidente PN, Vicente Guterres, hafoin enkontru ho Xefe Estadu, hatete, enkontru ne’ebé halo abiatuál ho Prezidente Repúblika atu haree ba situasaun rai laran no Parlamentu Nasional ninian.

Maibé husu kona-ba situasaun no kronolozia akontesimentu iha Baguia ne’e, Prezidente PN dehan, dadauk ne’e seidauk ko’alia kona-ba desizaun, maibé ko’alia de’it informasaun no situasaun ne’ebé akontese.

“Kazu Baguia ne’e kazu grave no kazu krime. Sé sé de’it iha kotuk, nomós organiza ne’e komete krime.

Estadu labele tolera. No estadu tenke responde no tenke responde”, deklara Prezidente Orgaun Lezislativu ne’e.
,

Sem comentários:

Publicar um comentário

Nota: só um membro deste blogue pode publicar um comentário.