terça-feira, 24 de março de 2015

Sasin hosi Antero Benedito da Silva kona ba kontroversia hosi Ramos-Horta ba Mauk Moruk

.
Antero Benedito da Silva
Hosi: Antero Benedito da Silva - (We-Anin Moris alias W-Moris) Membru HPP-MAI, Fundador OSKTL- GERIPOTA-DSMPPTL

1994, CNRM-FRETILIN organiza Konferensia APCET (Asia Pacific Conference on East Timor) iha Universidade Filipinas (UP) Manila, Mauk Moruk halo komentariu kontra Horta.Hau representa HPP-MAI ba konferensia no hakfodak ho Mauk no hakarak hatene tansa sa?

Teki-teki Horta Telefona: "Antero, lalika rona boatomak Mauk Moruk. O halo servisu ba CNRM."

Kalan fali Mauk Moruk telfona: "Antero, o lalika rona boatomak José Ramos-Horta. O hakarak servisu ba ukun-an no FRETILIN, buka o nia maun Antonio Transfiguracao (Salisiano) atu imi lao hamutuk."

Sira kontra malu maibe sira la nega povu nia luta ba ukun-rasik-an. Ida nee mak hau nian impresaun momentu ne'eba. Maibe hau mos konfusu, tanba se lideransa sira la hamutuk, povu sei mate bebeik.
.
Ami iha Matebian, ami nian ema barak mak mate.Tanba konfusaun nee, ami hahu duvida ba lideransa sira. Sira balun laiha familia barak. Ami nian familia Matebian tomak, ami mak mate bebeik ba funu ida nee. Lalika fiar demais ba lideransa sira, tenki fiar-an mos.

Hau ho kolega Riba Lafaek, ami desidi fila mai Timor Desembru 1994, ho ami hari fali GERIPOTA (Guerrila Politika Oan Timor Aswain), halo politika maibe aprende mos funu kilat no OSKTL (Organizasaun Solidariedade Klosan Timor Lorosae) no halo kontaktu ba Konis no sira seluk.

Teki-teki, Suharto monu no ami halo demo. Ami halo servisu ho Mauhodo no Huno, Xanana iha Cipinang, maibe tenta hamrik entre Mau Hudo no David Ximenes etc. tanba milisia ataka estudante sira iha fatin hotu iha Timor, mak hau deside lori sai sira ba Bali Abril 1999, pra ami bele halo estratejia foun.

Iha Bali, liu husi Membro Sagrada Familia ida hau simu telf husi Mauk Moruk. Depois de koalia lubun Mauk Moruk dehan:
"Imi halo ba, maibe evita Povo mate" (Lia-fuan ikus Mauk Moruk nian via Telefone ba Antero Benedito da Silva, ho Domingo Lagamata, Ohin loron Policia iha Bali, Junu 1999);

Sera que Mauk Moruk verdadeiro inimigo Povo Maubere nian?

Indonesia sai ona husi Timor, ita rekonsilia ho militar invasor sira, ita kria odiu no vingansa foun iha povu nia let! Ka "ada udan dibalik batu"!
.

Sem comentários:

Publicar um comentário

Nota: só um membro deste blogue pode publicar um comentário.