quinta-feira, 23 de abril de 2015

KOWBOY NIA ALIN NO SOBRINHU SIRA ENTREGA AAN HORSEIK

.

Timor Hau Nian Doben - 23 de abril de 2015

Tuir Timor Hau Nian Doben membru ida iha Baucau, ema nain nen, hotu Kowboy ninia familia, entrega aan ba Komandu Operasaun Konjunta horseik.

"Kowboy nia alin no subrinhu sira hamutuk nain nen mak ba entrega aan tan. Horseik Policia Militar mak tula sira hodi lori ba lori ona ba Baucau, agora sira hotu iha sela inklui Kowboy nia alin ida. Tanba Kowboy mak aviza sira tun ba. Maibe sira nain nen ne'e nia alin no hotu subrinhu sira." dehan.

Porta-voz Konsellu Revolusaun Maubere- Fretilin Movimentu (KRM-FM), Xabilako, dehan ba blog ne'e foin lalais katak ema polisia kaer sira la halo parte lista kapturasaun tribunal nian.

"Sira ne'ebé entrega aan, ne'e povu inosente la pertense ba mandatu kapturasaun tribunal nian. Ema 12 deit mak tribunal foo orden kapturasaun, ida mak Kowboy, ema 11 seidauk kaer to'o agora", esplika Xabilako.
.
Segunda-feira liu ba, membru prinsipal husi KRM-FM, Kowboy, entrega aan ba autoridades tanba nia tanba moras todan.

Tuir veteranu ida, nia dehan ba Timor Hau Nian Dobek katak Kowboy iha Polisia Militar nia liman no veteranus barak akompanha nia.

"Agora Kowboy iha forsa nia liman,Policia Miilitar.Ne'e seguru no diak, tamba veteranus barak mak ba akompanha nia no eis Falintil mos akompanha nia", dehan.

Timor Hau Nian Doben foin simu notisia ida tan no dehan katak membru KRM-FM, Siri-Laku, mos entrega aan ona, maibe ami presiza konfirma oituan tan informasau ida ne'e, tanba seidauk klaru.
.

Sem comentários:

Publicar um comentário

Nota: só um membro deste blogue pode publicar um comentário.