quinta-feira, 2 de abril de 2015

KRPM REZEITA MEMBRU SIRA ENTREGA AN BA REZOLUSAUN ILEGAL

.

Husi Xabilako

Konsellu Revolusaum Povu Maubere - FRETILIN Movimentu (KRPM-FM) rezeita ho informasaun nebe dehan membru KRPM- FM entrega'an ba projetu rezolusaun ilegal hosi Governu.

Maibe Mauk Moruk ho nia membru rihun lima resin sei kompletu no to'o agora sidauk identifika kaptura husi KOK.

Ami hakarak atu informa ba publiku katak povu inosente nebe la halo parte ba membru KRPM-FM mak sai vitima tamba hetan ameasas no presaun husi Komandu Operasaun Konjunta.

Membru nein ida hosi KRPM-FM entrega an, ida ne'e propaganda no lia bosok  husi governu ilegal ida ne'e. KOK oras ne'e halo intimidasaun no ameasa povu inosente tuir informasaun ami hetan hosi membru populasaun balun.

Rezolusaun ida nee ilegal ona, no pior liu, hahalok membru KOK hanesa terorista sira tanba ameasa povu inosenti, no halo povu inosenti terus, tanba sira la konsegue kaer ami, sira halo vingansa hasoru populasaun inosenti sira.

KPRM-FM husu ba governu ilegal ida ne'e hodi hapara sira hahalok aat kontra povu inosenti, nomos husu ba hapara sira nia operasaun iha tempu Paskua nia laran, ba governu ilegal respeita ita nia relijiaun. Se lae ita nia Matebian mak halo justisa no sei babeur imi hotu.

A luta kontinua.
.

Sem comentários:

Publicar um comentário

Nota: só um membro deste blogue pode publicar um comentário.