quinta-feira, 30 de abril de 2015

PN Ho Governu “Futu Lia” Hakiak Ditadura

.

Jornal Nacional Diario - 30 de abril de 2015

Rezolusaun ne’ebe maka Governu hasai no hetan aprovasaun unaminidade husi Parlamentu Nasional hodi buka tuir armas ne’ebe maka deskunfia veteranus sira sei rai subar, hanesan aktu ne’ebe maka Governu ho PN “futu lia” hodi hakiak ditadura iha Republika Democratico de Timor Leste (RDTL).

Lia hirak ne’e afirma husi eis Komandante FALINTIL, Região III, Cornelio Gama “L7” ba jornalista sira iha Fatuhada-Dili, Kuarta (29/04/2015), hodi espresa nia lamentasoens kona-ba asaun Polisia ho F-FDTL ne’ebe kumpri rezolusaun hodi aserka no halo pasarevista ba nia ho eis FALINTIL, Oan Ki’ak nia rezidensia, tanba deskunfia sei rai kilat bot iha uma. 

 “Ita funu ne’e ba liberdade demokrasia ba ema hotu, mas agora Governu ho PN hanesan tau fali ditadura hodi estraga demokrasia no hakanek ami veteranus sira nia fuan,” afirma L7. L7 lia tun dehan, verteranus maka mobiliza povu hodi liberta rai ida ne’e no fila rai ne’e sai nasaun demokratiku, tanba ne’e, veteranus la subar kilat no sei la hanoin at atu destroe fali nasaun ne’ebe maka sira rasik funda, liu husi mate, terus no sofrementu oi-oin.

 “Ami nonok deit maka ne’e ultimo ami sei halo buat ida, tanba ami maka liberta nasaun ida ne’e. Kilat iha F-FDTL, iha PNTL ami nian, ami maka liberta nasaun ida ne’e, uluk ami integrasaun karik Indonesia ukun tiha ona imi no ita hotu,” hateten L7 ho hirus. L7 fo izemplu katak, iha loron 3 Marsu 2013 halo ba Labadai sira ba tiru baku tuku tebe. Indonesia maka halo hanesan ne’e povu halai hotu ba ailaran hamutuk ho FALINTIL halo funu. 

 “Ami veteranus la konkorda ditadura mosu iha TL, maibe agora ami Konselhu Veteranus tenki kualia kona-ba lei, kualia kona-ba uniaun dereitus demokartika tanba ami hamrik lakohi estraga nasaun,” hateten L7.

 L7 hatutan, rezolusaun ne’ebe maka Governu ho Parlamentu Nasional halo ne’e Veteranus sira kontra, tanba Rezolusaun ne’e halo hodi baku no tuku tebe ema

Husi sorin seluk, Komandante Serbisu Investigasaun Kriminal (SIK), Superentendente Lodgerio Lay hateten, SIK nia serbisu ba ema hotu, laos deit ba KOK. Tanba ne’e, prezensa eis FALINTIL, Oan Ki’ak iha PNTL la’os presta deklarasaun, maibe konfirma deit informasaun ne’ebe maka husi KOK sira iha katak nia (Oan Ki’ak-red) rai kilat M-16 iha uma. 

 “Ami nia poder ne’e 12 de tempu, se’e 12 de tempu maka ami halo identifikasaun maka la iha buat ida ami liberta emediata. Ami liberta tanba informasaun hotu konfirmadu,” informa Lodgerio Lay.nax
.

Sem comentários:

Publicar um comentário

Nota: só um membro deste blogue pode publicar um comentário.