segunda-feira, 27 de abril de 2015

Resolve problema Mauk Moruk husi dalan justisa no politika

.

Opiniaun Husi : Alfredo Pinto Gonçalves

Opiniaun Publiku pro no kontra ba situasaun ohin loron lori povu nia hanoin ba parte parte, Mauk Moruk mosu hodi koalia Injustica, korupsaun,kolusaun, nepotismu,abuzu poder, mal administrasaun no seluk tan, nune parte seluk hanesa ukun nain nebe lidera hosi Xanana Gusmao buka mos meus seluk hodi defende dignidade pessoal no Governu.

Resolusaun nebe produs hosi Governu kontinua lao tuir saida maka parte Governu hakarak, Cek Point ba kartao Eleitoral, iha dalan-dalan, iha Toos laran, natar laran, ate bandu labele tur iha baranda oin kontinua lao, Policia no Forca kontinua kumpri ORDEM husi Governu hodi implementa, povu kiik no kiak kontinua sai targetu ba operasaun, tamba KOK deskonvia Povu hola parte iha Mauk Moruk nia politika, hanesa ita nia Komisariu Policia hateten katak devisil para kaptura MAUK MORUK tamba popolasaun la kolabora.

Resolusaun, tebes duni hodi resolve Problema? Sim ne bele ”mais ida nee tuir Governantes sira nia espektativa deit”, Governu gasta 2 Milliaun hodi buka dalan ba kaer ema nebe kontra sira,ita hatene katak RDTL nasaun 1 husi nasaun barak ke adapta no fiar ba Konstruksaun demokrasia nebe mundu hakarak, no demokrasia dalan ikus ba Timor Leste hodi uja hanesa prinsipiu ba ukun no moris.

Demokrasia mos hanorin nia ATAN sira hodi halo kritika ba governantes ou ukun nain tuir dalan ke iha!mais tamba saida dalan ne Governantes sira lasimu...duvidas hela duvidas...operasaunuja forca mak uniku solusaun hasoru kritiku nain sira.

Operasaun KOK kontinua lao fatin-fatin mais realidade operasaun ne rasik la hatudu mudanca boot ba situasaun rai laran, ita lahatene los se mak Targetu ba Operasaun nee rasik, Governu dehan operasaun ne ho objective ba kaer Mauk Moruk mais nu fin Povu mak terus, kauza ke hanesa tempo INDONESIA MAIS PIOR LIU.

Ita lahatene bainhira los mak povu bele kore an husi intimidasaun fiziku no mental nebe governu rasik kria hasoru nia povu.

Fulan ida ramata, KOK ladauk apresenta Mauk Moruk iha Tribunal,Failha no Failha mais Povu nia Oasan kontinua Gasta, Modelu HAMAUS no Hatauk KOK uja hotu ona mais la hatudu finishing ke diak, husi perspektiva militaru, Karik Grupu KRM-Fretilin Movimentu mos Armadu saida Los mak akontece, apakah ita nia rai nee tengki hanesa mos Nasaun Afrika sira? Lae.

GOVERNANTES SIRA hakarak Mauk Moruk ba hatan iha Justica, DEFISIL BOOT NO TEBES, durante Fula n 9 Mauk Moruk ba hela Iha kadeia/Prizaun no ikus hetan liberdade husi Tribunal rasik, tanba saida Mauk Moruk ba hela iha Kadeia?Ema sala laek,laiha sala tengki ba kumpri desijaun nee, agora nia livre tamba saida nia tengki ba fiar JUSTISA HIRAK NEE?

Para ona halo propaganda hasoru povu, se Governu hakarak Mauk Moruk ba hatan iha Justisa/Tribunal nia oin, oinsa ho kadeia fulan 9 kazke Mauk Moruk simu,iha kazu primeiru ita nia Justica rasik mak hanorin ema hotu hodi la fiar JUSTICA iha ita nia rai, AGORA GOVERNU KONTINUA EZIZI MAUK BA hatan iha Tribunal! Ikus liu hau ata hakarak HUSU BA GOVERNANTES SIRA; JUSTICA IDA NEBE MAK MAUK MORUK BELE FIAR.?LAIHA ONA.

Uniku Solusaun desijaun Politika Molok Tarde!!!!!

Viva Assuwain Falintil!!!
.

Sem comentários:

Publicar um comentário

Nota: só um membro deste blogue pode publicar um comentário.