terça-feira, 26 de maio de 2015

Joven Ida Tara-An Iha Taibessi

.

Jornal Nacional Diário - 26 de maio de 2016

Komunidade Taibessi Rai Laletek, Kinta (21/05/2015), hakfodak tebes hodi haree mane ida ho inisial MS tara-an iha aileten to’o mate.

Komunidade hetan mate isin ne’e iha tuku 18:00 OTL depois hodi kontaktu kedas ba Polisia hodi foti mate isin lori ba Hospital Nasional Guido Valadares (HNGV) hodi submete ba autopsi.

“Tuir informasaun mateabin ne’e sai husi uma dia 17 Maio depois maka ita detekta ikus, maibe atu dehan, kazu   ne’e dala ruma bele problema pesoal to’o ikus mai akontese, ida ne’e maka informasaun ne’ebe maka Serbisu Investigasaun Kriminal relata,” informa Segundu Komandante Polisia Nasional Timor Leste (PNTL), Komisario Faustinho da Costa ba Jornalista, Segunda (25/05/2015).

Relasiona prosesu investigasaun ba kazu mane tara a’an ne’e, wainhira Jornalista sira tenta konfirma ho Komandante Serbisu Investigasaun Kriminal (SIK), Superentendente Lodgerio Lay, maibe Lodgerio Lay la fo komentario ho razaun katak, kazu ne’e Polisia Investigasaun Kriminal Munisipiu Dili maka responsabiliza ba prosesu ne’e.nax
.

Sem comentários:

Publicar um comentário

Nota: só um membro deste blogue pode publicar um comentário.