sexta-feira, 8 de maio de 2015

L7 no Lere buka dalan dialogo ho Mauk Moruk, oinsa ho Rui Araújo? Labele subar no falun an...

.

 OPINIAUN HOSI :Marcos Gonçalves

Labele uja Povu nia naran hodi justifika ita nia sala! LABELE UJA POVU NIA NARAN HODI KONTINUA BOSOK LABELE UJA POVU NIA NARAN HODI HAKILAR INSTABILIDADE.

Loron hirak liu ba General Lere konvida Komandante L7 hodi koalia situasaun rai laran ke tuir parte governu hare kontinua mosu instabilidade. Tebes ka?

Tuir los Governu ke lidera hosi Dr. Rui de Araujo hatene ona medida saida maka nia bele foti, ba konfuzaun politika ke xanana husik hela,Dr. Rui Araujo personalisai ida ke bele sai fator importante hodi hakotu ona kontradiksaun Governu Xanana no Lider CRM nebe lidera hosi Katuas Mauk Moruk, Dr Rui Araujo tuir informasaun katak nia ema ida ke Le livru no hatene Lei nia Lalaok mesmu ke oituan deit, Rui Araujo moris ho nivel edukasaun ke sufisiente hodi hare momos no lolos ba saida maka akontece ohin loron, Dr. Rui de Araujo mos bele uja nia logika ke rasional ba diferentes pessoal ho estado. simplismente Rui Araujo tengki foti desijaun ida hodi dada governu ne’e hosi politika Privadu ema ida nia.

Mai ita hare lesuk meus ida ke Maun Lere buka no uja hodi resolve problema entre Mauk Moruk ho Governu Xanana, Sr. General Lere anan Timur tenta buka metodu ke simples oinsa bele bolu hikas nia maluk funu nain hodi tuur no koalia, konaba futuru ita hotu nian, perguntas tambasa Rui Labele?

Hahu kazu Saelari no Baguia, mosu kontradiksaun opiniaung entre Governu xanana no CRM, tamba tuir prosidementu parte relevante tengki kria Komisaun idependente ida hodi buka hatene los ba kazu hirak ne, Parlamentu Nasional mos tengki pro ativu oinsa bele hamosu relatoria ke independent husi kazu refere, mais ohin loron parte ida deit maka koalia hodi defende nia dessijaun politika, antau persija konsultasaun Justica nebe justu.

Relasiona ho soromutu entre Sr. General Lere Anan Timur No L7 iha loron hirak liu, bele sai anin diak ba ita hotu, bele mos sai anin fuik.

General Lere halo no buka ona meus hodi resolve problema Mauk no Governu Xanana, oinsa ho Dr. Rui Araujo atual Nudar Primeiru Ministru RDTL?

Laiha tan dalan ba Dr. Rui araujo hodi subar no falun an hosi dilematika ke ohin loron mosu, keta haluha mos katak CRM bele simu malu hodi koalia wainhira Dr. Rui Araujo dada hikas ona resolusaun no karta mandatu kapturasaun ke mai ho intrese politika Eis Premieru Ministru Xanana halo.

Labele uja Povu nia naran hodi Justifika ita nia sala! Labele UJA POVU NIA NARAN HODI KONTINUA BOSOK, LABELE UJA POVU NIA NARAN HODI HAKILAR INSTABILIDADE.
.

Sem comentários:

Publicar um comentário

Nota: só um membro deste blogue pode publicar um comentário.