segunda-feira, 11 de maio de 2015

PRIMEIRO-MINISTRU VIZITA INSTITUISAUN BA EMA NE'EBE MORIS HO DEFISIENSIA

.

Gabinete do Primeiro-Ministro - 11 de Maio de 2015

Dili, 11 Maiu 2015: S.E. Primeiru-Ministru Dr. Rui Maria de Araújo ohin (11/05) vizita Centru Nasional Reabilitasaun (CNR) iha Becora, Dili, atu hatene diak liu tan servisu ne’ebe instituisaun públika ne’e halao ba Timor-oan sira ne’ebe moris ho defisiensia.

Akompaña Primeiru-Ministru mak Ministru Planeamentu no Investimentu Estratéjiku Sr. Kay Rala Xanana Gusmão no Ministra Solidariedade Sosial Sra. Isabel Guterres.

CNR nia misaun mak atu ‘Hadia Kualidade Moris Ema ho Difisiensia atu hetan Reabilitasaun ne’ebé Justu, Espesializadu no integradu’.

Primeiru-Ministru apresia ba servisu ne’ebé CNR presta ona hodi tulun em ho defisiensia sira iha Timor-Leste.

“Sira halo servisu ida diak teb-tebes no Ita nudár sidadaun espesifikamete Ami sira ne’ebé responsavel ba atividade Governu-nian presija fo nafatin apoiu ba servisu diak ne’ebé sira halo hodi nune’e Timor-oan sira ne’ebé iha difisiensia bele mos hetan atensaun ne’ebé sira merese.
.

Iha vizita ne’e Xefi Governu hare’e besik liu kondisaun no mos atividade atendimentu ba pasiente sira ho desifiensia liu-liu iha área hanesan Ortoprotesia, Fisioterapia, Terapia Okupasional, Terapia Ko’alia, Kadeiras Roda no Reabilitação Básica.

“Servisu atendimentu ne’ebé di’ak ba ema ho difisiente bele mos fo benefisiu ba Dezenvolvimentu Timor-Leste nian.”

Primeiru-Ministru aproveita mos oportunidade vizita ne’e hodi dada-lia ho pasiente sira no fo motivasaun no korajen ba sira atu bele ultrapasa situasaun difisil ne’ebé sira hasoru.
.
.
Centru Nasional Reabilitasaun-CNR mak eiz ONG ASSERT (Asosiasaun Hi’it Ema Ra’es Timor).
Primeiru-Ministru hateten katak VI Govenu Konstitusional sei kontinua tulun CNR nia servisu atual no mos servisu sira ne’ebe sei halo iha futuru atu nune’e sentru ne’e bele sai boot liu tan no bele espande nia servisu fo atendimentu ba ema ho difisiensia iha rai laran. REMATA.

Fotos de, Gabinete do Primeiro-Ministro, Facebook.
.

Sem comentários:

Publicar um comentário

Nota: só um membro deste blogue pode publicar um comentário.