quinta-feira, 14 de maio de 2015

TDB aplika prizaun preventiva ba Mateus Boavida "Biru" membru KRM

.

Jornal Nacional Diário - 15 de maio de 2015 

Tribunal Distritu Baucau (TDB) Tersa (12/5) ne’e aplika pena prizaun preventiva ba membru Conselho Revolução Maubere (CRM) Mateus Boavida alias Biru tanba akuza arguidu komete krime lubuk ida hanesan insendiu sunu kareta, tentativa homesidu, ofensas integridade agravadu, pose de arma. 

Defensor Públiku José de Lima ba Jornal Nacional Diário Kuarta feira (13/5), hateten katak, TDB aplika prizaun preventiva, tanba hakarak atu asegura no garantia ba investigasaun parte seluk mós atu nia labele halai lakon no labele kontinua halo krime hanesan. 

“Depois de horseik dia 12 ami halo premeiru interogatóriu ba iha arguidu Mateus Boavida alias Biru ohin dia 13 ami rona nia desizaun medida ne’ebé tribunál aplika ba nia maka prizaun preventiva. 

Iha laran sira akuza maka’as ba arguidu maka insindu sunu kareta, tentativa homisídiu, ofensas integridade agravadu, pose de arma prontu ida ne’e maka uza hodi akuza nia”, José de Lima akresenta. 

Iha premeiru interogatóriu ne’e tribunal akuza maka’as arguidu involve iha akontesimentu iha Saelari no Lalulai ne’ebé hakanek membru polisia, maibe arguidu desmente akuzasaun hodi hateten nia ba duni ho Cowboy tanba hetan konvite husi CRM atu ba partisipa iha natal hamutuk maibe konaba akontesimentu ne’ebe asalta polisia la marka presenza. 

De Lima afirma tanba sira fila tiha ona maka sira asaltu, maibe prontu iha testemunha balun maka mai temi mos nia naran iha tribunal, entaun tribunal kaer ho ida ne’e hodi aplika medida prizaun preventiva ho hahalok arguido nian ne’e tribunal aplika prizaun preventiva ba nia tanba konsidera nia halo hahalok homesidu forma atentadu, tuir artigo 138 junta 23 ofensas agravadu 146 ho tan artigo lubuk ida nia hateten razaun tribunal aplika prizaun preventiva ba nia tanba hakarak atu asegura garantia ba investigasaun e parte seluk para nia labele halai lakon e labele kontinua halo krime ida hanesan. 

Maibe parte defeza husu para atu aprezenta periodiku, depois foin dadauk kaer tiha husik fila fali, i ikus mai bolu fali ne’e nia mai nafatin kopera diak ho justiça mas prontu tribunal nia desizaun maka hanesan ne’e ona entaun nia nudar parte defesa atu halo rekursu primeiro interogatorio ne’e perside husi juis singular Dr. Hugo Pui, ministerio publiko Dr. Domingos Barreto no defensor publiko mak Dr. Jose g. De Lima. 

Iha parte lokraik sei halo primeiro interogatorio ba coordenador CPD-RDTL Sabino Foho Leten ho nia maluk nain 5 seluk.RES .
.

Sem comentários:

Publicar um comentário

Nota: só um membro deste blogue pode publicar um comentário.