segunda-feira, 22 de junho de 2015

KOK LA HUSIK L7 SAI HOSI UMA

.

Timor Hau Nian Doben - 22 de junho de 2015

Timor Hau Nian Doben foin lalais dada lia ho organizador manifestasaun pasifiku ida ne'bé lidera hosi eis kumandante Falintil nian, L7, no nia dehan mai ami katak Komandu Operasaun Konjunta (KOK) serka L7 nia uma iha Bidau no taka dalan ba sira hotu labele sai hodi bá manifestasaun.
.
"Ami labele bá fatin nem ida tanba KOK mai pai L7 nia uma no la husik ema nein ida sai ka tama hosi fatin ne'e. Fatin ne'e nakonu ho polisia no F-FDTL sira, se ami sai ami mate kedas", dehan.

"Pai L7 fó ona press conference no nia hakarak ba duni Largo Lecidere maibé PNTL no F-FDTL la husik, sira taka fatin ne'e tomak. KOK iha fatin hotu-hotu. Pai L7 hakarak bá duni halo nia asaun pasifiku maibé ami mós koalia ho Pai hodi kalma nia tanbá se nia koko sai hosi uma ne'e, KOK kaer nia no hatama nia iha komarka. Ami sei presiza Pai hodi hakilar justisa ba povu rai doben ne'e. Rui Araújo karik kontente ona tanbá nia hatudu ona ninia ditadura ba ita hotu. Ohin sira taka ami nia lian aban sira sei taka povu tomak nia lian hodi naok no hamamuk povu nia osan", haktuir.

Tuir ema balun ke Timor Hau Nian Doben koalia foin lalais, "Polisia militar ho kilat boot tebes konsentra iha estrada nia sorin, besik faan ikan. Polisia iha fatin hotu-hotu hodi hatauk populasaun ke hakarak tuir L7 nia manifestasaun".

"Dadaun ne'e sé mak  hela iha Pai L7 nia uma, hanesa KOK ninia prizioneiru, agora mak hanesa duni Indonezia nia tempu, ditadura foun hahú ona iha ita nia rai doben", ramata organizador manifestasaun nian.
.

Sem comentários:

Publicar um comentário

Nota: só um membro deste blogue pode publicar um comentário.