quinta-feira, 11 de junho de 2015

Livru RENETIL Jeneraliza Historia, Autor Tenke Husu Deskulpa Ba Públiku

.

Jornal Nacional Diário - 11 de junho de 2015

Livru RENETIL ne’ebé lansa tiha ona husi Governu iha semana hira liu ba, halo públiku konfuzaun, li-liu reprezentante povu iha Parlamentu Nasional, tanba konsidera livru refere jeneraliza istoria rezistensia Timor Leste nian.

Relasiona ho situasaun ne’e, Jurista no Ekonomista, Manuel Tilman husu ba autor hakerek livru ne’e atu husu deskulpa ba públiku, tanba la konsulta ho ema rezistensia sira seluk, antes atu produs livru ne’e.

“Autor Livru RENETIL ne’e tenke halo komfrensia da imprensa ida hodi husu deskulpa ba ema sira ne’ebé mak nia foti ema nia sasan hodi publika iha livru ne’e, maibé la husu autor sira,”dehan Manuel Tilman ba jornalista sira iha nia Kna’ar fatin Hotel Beach Garden Dili, Kuarta (10/6).

Tilman mós husu PN atu labele fó ezemplu ba povu hodi sunu fali nasaun ne’e, ho buat ki’ik oan ida hanesan livru RENETIL nian ne’e. basa Timor-oan agora ne’e hot-hotu sai nervozu ho situasaun rai laran agora dadauk ne’e.

Tuir Tilman, kuandu autor ida hakarak halo nutisia ne’ebé partense ba Timor-oan hotu, diak liu konsulta ho ema seluk.

“La’os autor ida hakerek livru ne’e, ninia akontesementu ne’ebé tau iha livru laran ne’e, nia mesak mak halo, la’e ida. Ema barak mak sai autor, ne’e duni Parlamentu tenke kalma, uza kakutak,”tenik Manuel Tilman.

Jurista ne’e esplika, autor ne’ebé hakerek livru ne’e, tenke hatene saida mak ninian, nia públika avontade, maibé saida mak la’os ninian, nia tenke husu lisensa ba autor seluk.

Tilman fó ezemplu katak, dalabarak nia uza ema estranjeriu nia kakutak iha julgamentu, maibé tenke temi buat ne’e foti husi ne’ebé no tenke temi ema ne’e nia naran.

Tanba ne’e, husu ba joven sira iha RENETIL, atu hare didiak livru ne’e, hodi labele kria konfuzaun ba ema seluk.cos
.

Sem comentários:

Publicar um comentário

Nota: só um membro deste blogue pode publicar um comentário.