terça-feira, 30 de junho de 2015

OKNUM F-FDTL BAKU JUIS

.

Timor Post - 30 de junho de 2015

DILI—Juis Estajiariu hosi Tribunál Distritál Baucau ho naran Ivan Patricino Antoninho, iha loron Segunda (28/06/2016) tuku 5:30 lokraik, hetan agreseun fíziku hosi oknum FALINTIL-Forsa Defeza Timor Leste (F-FDTL), bainhira hala’o pasa revista iha Hera-Dili, hafoin grupu Mauk Moruk halo asaltu hodi tiru kanek membrus F-FDTL ida iha Baucau.

Tuir kronolojia, Juis Estajiáriu ne’e atu hala’o viazen hosi Dili ba Munisípiu Baucau ho Viatura Tribunál TDB númeru makríkula 005. Too iha Hera iha pasa revista uluk hosi membru Poliísia sira husik liu tanba koñese viatura Tribunál Distrital Baucau nian, maibé la liu kilometru ida hetan fali pasa revista hosi F-FDTL.

Nune’e, membru F-FDTL ida basa dala ida vítima nia ulun tanba mosu dezintendimentu. “Motivu hosi agseaun fíziku hosi KOK ne’e rasik ha’u la hatene. (Oknum F-FDTL) basa iha ulun dala ida, no ha’u hatene, ha’u nu’udar juis estajiáriu hosi Tribunál, mais sira kontinua agresaun nafatin, liu minitu balun foin sira hapara asaun, ha’u desidi fila mai Dili hodi halo keixa ba Polísia Investigasaun Kriminal (SIK), Ministériu Públiku,” informa vítima Juis Ivon Patricio Antoninho ba Timor Post iha Ministériu Públiku Matadoru, hafoin hato keixa, Tersa (29/06).

Tuir vítima, atetudi oknum F-FDTL ne’e la devia akontese tanba nia rasik hala’o hela servisu estadu nian ho identidade kompletu no viatura Tribunál nian. “Motivu lolos, ha’u seidauk hatene,tan ne’e, ha’u mai Ministériu Públiku hodi halo keixa para MP halo investigasaun klean hodi hatene motive lolos, mais nu’udar juis estajiáriu ha’u lamenta tebes ho atetudi oknum F-FDTL ne’e,” lamenta vítima Ivan.

Biban ne’e Diretór Ezekutivu Asosiasaun HAK, Manuel Monteiro lamenta tebes agresaun fíziku hosi oknum F-FDTL ne’e. Monteiro husu ba vítima tenke lori kazu ne’e ba oin hodi hatuur lialos. Tuir nia, bainhira autoridade judisiario sira hala’o sira nia funsaun ho segura hodi hala’o nia knar ho di’ak, bainhira sira siguranmca hetan segura, mais sira sei hetan agresaun hodi impleka ba sira nia siguranca la seguru,sira labele halo prosesu julgamentu ho di’ak, ida ne’e bele efaita ona ba povu sira hodi hetan lai los.

 Nune’e mos Judicial System Monitoring Program (JSMP) husu no sujere ba vítima tenke prosesa ba Tribunál hodi eduka sira nia atitude atuasaun. “Ha’u hanoin F-FDTL sira halo tan buat ruma hasoru Autoriedade judisiáriu sira tenke prosesa kedas, tanba ne’e krime ona.

Maske iha tempu ne’eba juíz ne’e lahalo serbisu, maibé dalaruma nia halo viajen ba hala’o serbisu,” hatete diretór ejekutivu JSMP, Luis Oliveira Sampaio ba Timor Post iha nia serbisu fatin Colmera-Dili, Segunda (29/06).

 “Ne’e ita lamenta atu Estadu tenke halo Reuniaun ida hodi desidi kontinua operasaun konjuntu ne’e ka oinsa. Karik kontinua, entaun povu bai-bain mak sei nafatin sai vítima ba operasaun ne’e rasik, hatete Luis Sampaio. Iha parte seluk, diretór ejekutivu Asosiasaun HAK, Manuel Monteiro hatete,

Membru F-FDTL no PNTL sira bainhira atu halo pasarevista tenke hatudu profesionalizmu no kapasidade intelektual hodi labele Hamosu violasaun direitus humanus.

 “Ne’e violasaun direitus humanus no prejudika ema nia direitu. Tanba ne’e persija rezolve tuir lei ne’ebé iha ona,” hatete Manuel Monteiro ba Jornalista sira iha nia serbisu fatin Farol-Dili, Segunda (29/06). (max/oki)
.

Sem comentários:

Publicar um comentário

Nota: só um membro deste blogue pode publicar um comentário.