sexta-feira, 12 de junho de 2015

Taur Hatutan Povu Nia Halerik Ba Governu

.
Foto de Presidência da República de Timor-Leste, Facebook.
Jornal Nacional Diário - 12 de junho de 2015

Prezidente Repúblika (PR), Taur Matan Ruak, Kinta (11/6/2015), introdus sofrementu no halerik povu rurais nian ba Governu liu husi Ministru Obras Publiku, Transporte no Komunikasoens (MOPTK), Gastão de Sousa ho nia vise Januario Pereira.

Durante PR Taur hala’o vizita tama sai suku, komunidade sira sempre levanta sira nia problema, falta bee mos, la iha eletrisidade no la hatan asesu estrada ne’ebe diak no seguru.

PR Taur husu ba Ministru Gastão de Sousa ho Vise Ministru Januario Pereira, atu fo atensaun loke estrada no dada eletrisidade ba komunidade sira iha suku ho aldeia.

“Prezidenti bolu mai para bele fo nia hanoin depois ami tenta ba iha terenu atu rezolve kestoens sira ne’e,” informa Gastão de Sousa, ba jornalista sira hafoin hasoru malu ho PR Taur Matan Ruak iha Palacio Presidente.

Suku ho aldeia sira ne’ebe maka identifikadu la iha estrada maka suku balun iha Postu Administrativu Quelicai, Municipio Baucau, balun fali Postu Administrativu Hatolia no balun iha Kaicako-Bobonaro.

PR Taur Matan Ruak mos lavanta kona-ba projetu de emerjensia ne’ebe mak kompanha sira finaliza ona sira nia obra, maibe ladauk iha pagamentu husi Governu.

“Ami berefika dadauk ona iha pakotes 55 haruka ba Ajensisa Dezenvolvimentu Nasional (ADN) atu identifika depois sei lori ba Parlamentu,” hateten Gastão de Sousa.

Gastão Sousa dehan, orsamentu ne’ebe mak aloka ba Governu hodi hadia estrada iha Timor laran tomak, hamutuk   iha miloens 50-resin USD. “Husi ami nia linha ministeriu, ami iha miloens 29 USD ne’ebe mak atu rezolve pagamentu no hodi atende servisu emerjensia nian ne’ebe akontese iha tinan ne’e nia laran,” haklaken Gastão Sousa.

Projetu Fiziku Oecusse Sei Hetan Progresu

Projetu fiziku loke estrada no dada eletridade ne’ebe mak ligasaun ho komemorasaun   tinan 500 embarkasaaun Portugues mai Lifau Oecusse sei hetan progresesu diak iha Novembru tinan ne’e.

“Ami ba Oecusse haree projetu fiziku sira, hanesan estradas, eletridades no Aeroportu lao diak,” hateten Ministru Gastão Sousa. Avi
.

Sem comentários:

Publicar um comentário

Nota: só um membro deste blogue pode publicar um comentário.