quarta-feira, 1 de julho de 2015

KOK Tiru Mate Membru KRM Rua

.

Jornal Nacional Diário - 01 de julho de 2015

Komando Operasaun Konjunta (KOK) Vs grupu ilegais Konsellu Revolusaun Maubere (KRM) lideradu Mauk Moruk (MM) ne’ebe tiru malu iha area Aldeia Atelari, Suco Sagadate, Postu Administrastivu Laga, Munisípiu Baucau, rezulta membru KOK ida hetan kanek iha parte ain rua no Joven rua husi grupu KRM nian Mate iha Fatin.

Akontesementu tiru malu ne’e iha loron Domingo (28/06) dadersan mais ou menus tuku 10:00 OTL.

Ba jornalista sira, Cornelio Gama ‘L-7’ informa katak, iha akontesimentu tiru malu entre KOK ho MM rezulta Joven rua mate fatin ne’ebe mak hetan tiru husi KOK no mate isin oras ne’e bandu familia labele ba haree.

“Ida mate ne’e Sabino, ida fali Cristovão, mate ho tiru, tiru ho kilat, mate tiru iha fatin ne’ebe sira nia familia atu ba hare, sira (KOK-red) bandu mate ne’e keta dodok tiha ona karik,” haktuir, Cornelio Gama ‘L-7’ ba Jornalista sira iha nia rezidensia, Bidau Mota Klaran, Dili, Tersa(30/06).

L-7 informa liutan katak, iha akontesimentu tiru ne’e parte Komandu Operasaun Konjunta(KOK) mak asaltu, hodi kilat rajada tanba pistola labele rajada, Mauk iha kilat karik sira balun barak mak mate.

“Hanesan horkalan(horbainrua kalan-red) Brigadeiru Jeneral dehan bala seidauk hasai, ha’u dehan hasai tok bala ne’e mak airquinze karik imi mak tiru malu, sé pistola nian Mauk mak tiru, bala ne’e hasai ba mak bele hatene bala saida, sé lae ita dun malu deit, deskonfia malu deit, duvida deit o que certo forsa ba halo asaltu ne’e krimi tiha ona,”L-7 hatete.

L- 7 reforsa katak, forsa (KOK,red) ba asalta ne’e krime tiha ona. Agora sei lakonsege resolve aprezenta ba Prezidenti Republika nia mak bo’ot liu iha leten, nune’e Prezidenti bele hare no halo vizaun ba akontesementu no problema ne’e.

Nia friza liutan katak, sei laiha posibilidade estadu atu resolve, entaun nia konsidera litadura militar iha Timor, sei sira nebe mak KOK baku halai sai tan..sa…i tan ba bebeik ne’e oinsa, Laga ne’e sei la entrega án.

“Sei laiha posiblibildade sira baku halai sai tan, Laga ne’e sei la fo án, to mate hotu deit, rua mate ona, forsa ida kanek ona, agora sira fo sai dehan forsa ida kanek ona, mate ne’e sira la fo sai, sira komesa bosok fali povu, imi Media sira atu ba hare iha nebe bandu imi foti informasaun husi nebe,” hatan L -7 hodi responde katak estadu laiha posiblidade Estadu atu resolve liu husi dalan dialogu.

Hatan mos konaba Estadu Konsidera MM inimigu Estadu, Cornelio Gama ‘L-7’ hatan katak, inimigu Estadu nian, entaun dehan hanesan ne’e lahatene resolve ukun án tinan 13 ona, lakolia konaba semi prezidensial deskuidu deit ho kilat ne’e litadura.

“Mauk Moruk lori kilat hira mak ita atu ataka nia, Pistola sei aban bainrua lori nia mai karik oinsa, ita hare deit inimigu agora tiru deit ema ida mate, agora nain rua mate ona, Forsa ida kanek, agora ita hare katak forsa, nia(Mauk Moruk,red) halo saida mak ba asalta populasaun sira iha neba, sei nia(Mauk Moruk,red) la mai, nain ulun sira barak ne’e tur hamutuk para halo dialogu,” nia hatete.

Tuir L-7 katak dalan dialogu ne’e mak resolve problema nasaun nian, sei laiha dialogu nasaun ne’e demokrasia sei laiha demokrasia litadura Militar, halo sala lori kilat ti..ru, lori kilat tiru.

“Ita hanesan ne’e lei internasional sei taka dalan ba ita sira tanba kontra dereitu umanus iha Timor Leste” L-7 hatete.

Tanba ne’e, L-7 dehan, tenke tur hamatek buka resolve laos lori kilat tiru hasoru povu, kilat nee tarutu povu ne’e tauk depois halai, agora povu parte Leste lahalo ona sira nia tos, taka dalan ne’e kastigu ona povu.

“Ita nia povu atu ba tos mos ladiak, ba natar mos ladiak ne’e labele,ita la konsidera ona povu, povu ne’e mak hili Estadu, laos Estadu mak Hili povu, povu mak hili Estadu, Estadu tau iha leten Estadu,” L-7 Preokupa.

Prontu Dialogu Ho Estadu

Nune’e mos, eis Deputadu Cornelio Gama ‘L-7’ afirma, prontu halo dialogu ho Estadu relasiona ho apelu husi laureadu nobel da paz, José Ramos Horta foin lalais ne’e.

Lia hirak ne’e hatoo husi eis Gerileiro L-7 ba Jornalista sira, iha nia hela fatin Bidau Mota Klaran Tersa (30/6).

“Hare ba apelu ne’ebe mai husi eis Prezidente Ramos Horta atu hapara asaun Konsellu Revolusaun Maubere hotu no tun mai Dili para halo dialogo,”dehan L-7.

Nune’e eis gerileiru L-7 hatutan, nia prontu atu halo dialogu, sei intrega problema ne’e ba ulun bo’ot sira tamba sira iha kapasidade atu halo dialogu.

“Ha’u mos konkorda ho eis Presidente Ramos Horta hodi halo dialogu tamba ne ha’u sei ba hasoru Ramos Horta, nia mak aman ba paz tamba ne’e nia iha direitu atu rezolve kualker kazu kona ba paz nian iha nasaun laran,”L-7 hatete.

Hatan mos konaba, Estadu laiha posibilidade atu halo dioalogu ho Mauk Moruk, eis Gerileiru ne’e hateten nia konsidera ne’e hanesan ditadura militar.

Husu mos kona ba pozisaun husi Mauk Moruk to’o oras ne’e dadaun, eis gerileiru ne’e hateten, saida mak Mauk Moruk hakarak mak retira forsa iha terenu no halo dialogu.Eus/Nes

.

Sem comentários:

Publicar um comentário

Nota: só um membro deste blogue pode publicar um comentário.