domingo, 9 de agosto de 2015

Governu "tauk" fo'o Mauk Moruk nia mate isin ba familia tanba "isin rahun total"

.

Timor Hau Nian Doben - 09 de agosto de 2015

Timor Hau Nian Doben foin koalia ho fonte ida besik eis Komandante FALINTIL  no Prezidente Konsellu Revolusaun Maubere, Mauk Moruk  no nia hateten ke to'o agora otoridades seidauk intrega mate isin tanba sira "tauk".

"To'o agora governu seidauk intrega ita nia Aman (Mauk Moruk) nia isin tanba governu tauk tanba sira halo estilu ezekusaun no tiru ita nia Aman nia isin no isin rahun hotu kedas. Ida ne'e laos hanesan funu malu, sira halo assassinatu ida, sira halo krimi ida hasoru Komandante FALINTIL ida, uainhira sira tiru katuas nia sei hakilar, a luta kontinua. Karik Governu lakohi loke kaixaun, maibe familia hakarak haree mate isin", dehan.

Tuir fonte refere, Mauk Moruk nia mate isin sei lori ba Parlamento Nasionál hodi "deputadu drogadu sira" haree rezultadu rezolusaun ke "drogadu sira"iha ne' ebá foti.

"Agora Pai nia mate isin sei hela iha mortuario, maibe ami hakarak lori ba Parlamentu Nasionál hodi hatudu ba "drogadu sira" iha ne'ebá rezultadu hosi sira nia rezolusaun", haktuir.

"Sira hotu agora dansa no kontenti tebes tanba ita nia aman mate, hodikalan sira halo festa boot, maibe justisa sei manan. Maibe sira ba kontenti to'o uainhira? Sira hotu hanesan ema drogadu duni mana, hahú ho Prezidente to'o kraik sira hotu ema drogadu no lanu, sira  la serve hodi ukun rai doben ida ne'e", salienta.

Mauk Moruk simu prezente hosi governu hodi selebra Loron FALINTIL - "Execution style"

Fonte ida ne'e dehan katak governu nunka hakarak halo dialogo ho Mauk Moruk, tanba sira hakarak nia entrega aan, depois ba hasoru justisa, simu kondenasaun no depois Prezidenti Repúblika, Taur Matan Ruak, foo indultu ida ba eis Komandante FALINTIL.

"Sira nunka hakarak halo dialogo, sira nia dialogo maka Mauk Moruk entrega aan, hasoru justisa no katuas Taur depois fo'o indultu. Ne'e katuas la simu. Sira bosok dehan dialogo maibe sira prepara hodi oho ita nia Aman, nune'e sira bele ukun tuir sira nia instintu hanesan naok no hanehan povu ne'e dala ida tan. Sira drogadu duni, la haree povu nia susar no terus", dehan.

"Sira oho  ita nia Aman, sira halo estilo ezekusaun, ida ne'e krimi ida. Se sira halo ida ne'e ba eis Komandante FALINTIL ida sa tan povu kbiit laek. Sira hamrok ba ran, sira ema psikopata, sira laiha hanoin di'ak ba ita nia rai no ita nia povu. Ágio Pereira ninia deklarasaun pior liu lekirauk koalia, nia koalia lekirauk mos la fiar nia, sa tan ema", nia katak.

"Sira seidauk fo'o ita nia Aman nia isin mate mai ami, karik sira hakarak han hanesan bife no hemu ho Mauk Moruk nia ran. Governo fo'o ona prezente ida ba Mauk Moruk hodi nia selebra Loron FALINTIL, tiru mate nia to'o nia isin lolon, rahun totalmente", ramata.
.

Sem comentários:

Publicar um comentário

Nota: só um membro deste blogue pode publicar um comentário.